لقلبك انتمي

البارت الرابع

امير :تشرفنا يا......
عبدالله طفر من يمه :رند استاذه رند
امير :عبدالله شنو مديرتكم التنفيذيه خرسه 😏
عبدالله :ههههههه لا بس هي قليل ما تحجي ويه الشباب
امير بداخله (اي احجيلك وياهم عود ): اي ماشاءالله وباعلها نظره هي فهمتها شنو وراح عنهم لطاولته
رند بداخلها خليج قويه رند خليج قويه هي ساعه وترجعين للبيت لا تنزلين دمعتج يويلج
وبده الحفل القى امير كلمته عالموظفين وكرم الكل الا رند والكل نصدم لانها اكثر وحده تستحق التكريم
عبدالله : لا تزعلين بابا يمكن راح يرقونج وينقلج للقسم الرئيسي
رند وهي بعالم ثاني ولازمه نفسها حتى لا تبجي انعل ابو الترقيه بس خلي اطلع من هالمكان اختنكت وطلعت منها تنهيده بدون قصد : عمو بابا ما خابرك ؟
عبدالله : لا بابا ما اتصل خير محتاجه شي ؟
رند : لا سلامتك بس اريد ارجع للبيت احس طولت
عبدالله : يلا هو هم خلص التكريم خليني بس اسلم على استاذ امير ونطلع
رند بداخلها صبرك اللهم انطيني الصبر وعدي هالليله على خير يا رب
عبدالله سلم على امير واترخص منه انو يطلع بعد ما تقريب اغلب الموظفين طلعو وباقي بس الصحفيين وكم موظف وراح على رند واخذها حتى يطلعون
رند واخيراً خلصت : يلا عمو اني ما عندي شي
عبدالله : يلا بابا هم تأخرنه على ابوج فشله منه
وهمه يردون يطلعون سمعو صوت
سامي : استاذ عبدالله لحظه
عبدالله: تفضل عيني
سامي : من رخصتك جنابه يريد استاذه رند
عبدالله بعدم فهم : عفواً
سامي : يريد يحجي وياها شوي بخصوص الشغل
عبدالله : هااا هااا اي تفضل تفضلي بابا وهو يأشرلهه حتى تمشي كدامه
سامي : لوحدهم لو سمحت رايدها جنابه بكم شغله ضروريه
رند وهي شوي وتنهار يا ربي شيريد مني هذا مو كافي فشلني بنظراته : عفوا بس الوقت تأخر واني لازم ارجع للبيت
سامي : الاستاذ طالبج بالاسم وما اكدر اروحله بدونج تفضلي
عبدالله : ماشي سامي روح انته وهسه تجي وراك
عبدالله لرند بابا رنوده روحي ويااا واني راح انتضرج بالباب
رند هذا شبي تسودن : عمو شلون تعوفني لوحدي
عبدالله : ولج بابا هذا استاذ امير ورده مال الله مراح يسويلج شي غلط لتخافين ديلا روحي هذا كله من وقتنه وعافها وطلع من القاعه
بقت رند واكفه بمكانها خايفه ومنحرجه ومحتاره شتسوي بروحها وما حست انو القاعه خلت من العالم وما باقي بالقاعه بس هي وامير
امير وهو يتقدم الها ويصفكلها
امير : صراحه اني اكلت اكرمج اخر شي درع الممثله الخارقه على هالتمثيل المبدع 😏
رند : ااانننتتته ففاهم الموضوع غلط ارجوك
امير وبدون ما يحس على نفسه ضربها راشدي وكعها بالكاع : اشششش صوتج ما اسمعه بنت الكلب كدرتي تضحكين على هالعالم كلها الا علي حقيره 😡
رند ومن بين دموعها وشهكاتها : صدكني ظالمني ما قتل....
نزل امير لمستواها وجرها من حجابها وخله عيونه بعيونها وهو يشوف بعيونها برائه ويصارع نفسه وتفكيره لا تخليها تضحك عليك انته اكثر واحد تعرفها شنو : اااشششششش حيوانه روحي عني طلعي برااااا ما اريد اشوف وجهج طللللللعي 😡 ورفسها برجله على ظهرها واياني واياج احد يعرف بلي صار اشرب من دمج يااااا استاذه رند كومي ولي من خلقتي كووووومي
رند كامت بخوف وتسح بروحها سح الى ان وصلت للحمامات دخلت وغسلت وجهه وعدلت حجابها
وبداخلها جانت ناويه ترجع علي وتحجي ويااا بس من طلعت ما لكته ( فوك الكتله تريد تحجي بعد بووووويه 🥺)
طلعت برا شافت استاذ عبدالله بالسياره كاعد
عبدالله بخوف : بابا وين صرتي ابوج حرك التلفون علي حرك
رند البركه بيك عفتني ورحت وبتعب جاوبته : هياتني عمو اجيت
عبدالله وهو يفتحلها باب السياره : شصار وياج شراد منج استاذ امير
رند بخوف وبحذر حتى لا يحس عليها : لا ما راد شي عمو بس هيج يسأل عن الشركه والشغل
عبداالله : شفتي مو كتلج هو كلش حباب ومتواضع الله يحفظه
رند بصوت ناصي : الله ياخذه
عبدالله : شنو كلتي بابا ما سمعت
رند : ماكو شي عمو اكول تأخرت عالبيت
وصلوا للبيت ولكت عمها منتظره بالباب ومعصب
رند يا ربي هو اني ما كفاني الي صار بيه من وره صخمين انوب راح يكملها علي بابا
محمد وبصوت عالي: لج وين صرتي واخابر عليج ماكو مو كلتي بثمانيه اني بالبيت وهسه الساعه بالعشره
عبدالله ويحاول يهدي الوضع : على كيفك ابو ايلاف البنيه جانت وياي يا عيني بس المدير طول شوي بالتكريم وبس خلصنه جبتها واجيت وهاي هيه كدامك كلشي مبيها
محمد : ما قصرت خويه بس انته تدري بيه اخاف عليهن وبالذات هي هاي من ريحة الغالي
رند ما كدرت بعد تلزم نفسها وظلت تشهك وتبجي
محمد والي عباله زعلت منه : خلص بابا انا اسف مو قصدي اصيح عليج بس ظل بالي عليج والله يا بابا فوتي جوه عن البرد يم خواتج يلا
محمد : مشكور خويه ابو علي ما قصرت
عبدالله : بالخدمه عيني محمد تدلل يلا تصبح علي خير من رخصتك
محمد : الله وياك خويه مرخوص عيني وانته من اهل الخير دخل للبيت وهو يدور على رند
ليلى : بابا صعدت تبدل وتنام تكول تعبانه
محمد بزعل : سوده علي زعلتها وزمخت بيها كدام الرجال خلي اروح اشوفها
ليلى وهي تحاول تركع بالسالفه : بابا شتصعدلها الله يخليك بعدين رند متزعل منك وتعرف بيك تخاف عليها وهي تعبانه خليها ترتاح هسه وعود الصبح احجي وياهه
محمد : هم صدك يلا لعد بابا اني رايح انام وقفلت البيبان اني بس بابا المطبخ سدي قبل لا تصعدين تنامين
ليلى : ان شاءالله بابا روح نام مرتاح تصبح علي خير وهي تبوسه على خده
محمد : الله يرضى عليج بنيتي وراح دخل لغرفته حتى ينام هو الوحيد الي غرفته بالطابق الارضي وغرفه ايلاف بس ظلت فارغه بعد ما تزوجت ومخليها للخطار وغرفة رند لوحدها فوك وامل وليلى غرفه لوحدهن هم
ليلى بس شافت ابوها دخل للغرفه ركض سدت بابا المطبخ وصعدت الدرج دخلت لغرفة رند وسدت الباب وراها
رند من بين دموعها وصوتها الرايح من البجي : خو ما حس بشي
ليلى : لا اطمني كتله انتي تعبانه وجاي اسبحين حتى تنامين
امل : هسه عوفيلي بابا ولج راح اموت من الخوف مو دمي نشف كولي شبيج
ليلى : اي رند حبابه كولي احد سوالج شي
رند ورجعت تبجي وزاد بجيها : رجع ولج امل رجع ااهه اااهه
ليلى وامل وحده صافنه بوجه الثانيه ومتعجبات من حال رند : ولج احجي منو هو الي رجع شبيج
امل : ليلى جيبيلها كلاص مي من غرفتنه وجيبي وياج القران خلي اقره عليها بلكي تهده شوي
رند وما زالت تبجي وكاعده بالكاع وحالتها مدمره
جاب ليلى المي وشربتها امل وكعدت تقره عليها وحست عليها شوي هدت كومتها هي وليلى وكعدنها عالجربايه
ليلى : رنوده اخذي نفس على كيف وارتاحي خلص ارتاحي هسه انتي بالبيت خلص كلشي
امل وهي تحاول تغيرلها جو: اي حبيبتي هدي وعلى كيفج اتنفسي وسكتي كافي تبجين ولو حتى وانتي تبجين حلوه 😉
رند : اااخ امل اااخ لو تدرين شصار بيه اليوم
ليلى : ولج احجي نشفتي عروكي
رند وهي تحاول تهدى وتجر نفس حتى تسولفلهن
يتبع ....
قراءه ممتعمه ولا تنسون تضغطون النجمه يا حلوات 😘❤️