امير :- رجعت للبيت ودخلت لغرفتي بسرعه ما اريد اشوف احد كلشي كدامي بالغرفه كسرته فقدت حس نفسي مغشوش بيها احس انضحك علي طلبت من سامي يحظر فديو الها من جانت بيت ايهاب ويعدل علي وينسخه بفلاش ويعدل علي
سامي :- تفضل جناك بس انته متأكد
امير والشر يطلع من عيونه :- اكيد واثق الا اندمهه واخلي الداير مداريها يكرها لعد اني تستغفلني كل هالسنين
سامي :- خليني اتاكد بالاول البنيه طول هالسنين ما شفنه عليها شي غلط اكيد اكو شي ناقص ما نعرفه
امير:- يعني الي شفنا مو كافي لك بابا لتظل غشيم هاي تغطك بالمي واطلعك ناشف
سامي :- قبل كلشي خليني اتاكد
امير( وهو يحط راسه بين ايدي ) :- تصرف شلون متريد
سامي ((جنت اني الوحيد الي اراقبها ممنوع احد غيري وكل هالسنين جنت اراقبها مشفت شي عليها غلط جانت تثبتلي يوم عن يوم العكس بس لاني اعرف كل السالفه بس كلت يجوز تابت ورجعت لطريقها لو ما سالفتها ويه ايهاب جان صارت الزوجه الي امير يحلم بيها حبيت اتاكد قبل لا نظلمها امير من كد حبه الها يفقد على كد ما هو رزن وتصرفاته محسوبه بالورقه والقلم يمها تتغيير كل اطباعه))
رجعت عالمزرعه كعدت انتظر من بعيد واشوف الي دخلو مره ورجال وعرفة البنية بت عم رند
سامي :-اووووووف الحمدلله جنت متأكد منها
اتصل بامير
امير بدون نفس :- هاا بشر شطلع ابن وزير لو رئيس
سامي :- مثل متوقعت فاهم الموضوع غلط طلع الحجز لبت عمها ورجلها
امير:- يعني انته تاكدت
سامي :- اكيد حتى توهم دخلو للمزرعه تحب اصورلك
امير :- لا شكو تصورلي زين يلا ارجع علساس هامني الموضوع
سامي وهو يكتم ضحكته :- لا وين هامك بس كومت علينا الدنيا
امير :- خاب انطم انته متعرفها بكدي
سامي :- انته يمته تقتنع البنيه صار اربع سنين ما شفنه منها الا كل خير يحوز تابت
امير:- اي اي اي زين يلا ارجع اني رايح لسحر
سامي :- حاضر جايك مسافة الطريق
{{بعد مرور يومين }}
الشيخ :- هل تقبلين يا بنتي الزواج من الشاب امير ال...
رند :- .......
الشيخ :- جاوبيني يا بنتي هل تقبلين الزواج من امير على سنة الله ورسوله
رند ( ودموعها تجري على خدها ) :- ن نع نعم
الشيخ :- اذا قولي يا بنتي نعم قبلت الزواج
رند :- نعم قبلت الزواج
الشيخ :- مبروك يا بنتي
محمد :- الف مبروك بويه الله يسعدكم ويهنيكم
امير :-الله يبارك بيك عمي واعذرني عالتقصير بس انته تدري الاهل مسافرين وما حبيت اماطل بالموضوع
محمد :-ما منك گصور وليدي بس خواتها سون الها حفله صغيره علمود تلبسها النشيان ما حبيت اطلعها من بيتي سكته
امير (اجت بوكتها):-اي ليش لا حقها سهله
محمد :-تفضل بويه تفضل ثواني بس اسويلك درب
امير :-اخذ راحتك عمي
طلع محمد يشوف البنات
بصالة البنات الي ماكو بيها بس ايلاف وعمتها واخت زوجها وامل وليلى وكم وحده من صديقات البنات بالگليه
أنت تقرأ
لقلبك انتمي
General Fictionمطار بغداد الدولي نزلت طيارته الخاصه ونزل من درج الطياره بشخصيته الواثقه وبطوله الهيبه وهو ينزل ويسلم على مدير اعماله : اشتاقيتلك يا غالي
