لقلبك انتمي

البارت الخامس

نرجع بقصتنه اربع سنوات ورى

لبست رند بنطرون وستره جينز عريضه ولفت حجابها بشكل التوربان وغطت ركبتها بالفانيله ام الركبه وحطت ميكاب وحاولت اطوخ حتى محد ينتبه عليها
ايلاف وهي واكفه يمها :رند عوفي هالسالفه الله يخليج اني خايفه عليج
رند وهي بداخلها ترجف من الخوف وكلبها صاير طبل :كتلج لا تخافين راح اخذ منه الفلاشات واجي ما اطول انتو بس ادعولي
امل :خليني اروح وياج عالاقل
ليلى :اي اي اي خلي نروح وياج وننتظرج بالسياره
رند :وين رايحه اني مدينة العاب شبيجن تخبلتن
ايلاف وهي تلطم على خدها :كله مني اني السبب اني رند لا ترحين والي يصير خلي يصير
رند تكعد بصف ايلاف المنهاره وتهدي بيها :لج اهدي ماكو شي هو ميت الف وحده بالبيت شبيج انتي منو راح ينتبه علي وبعدين انتي مو كلتي هو مطفي وسكران وما يدري وين الله حاطه
ايلاف :ايييي بس خايفه لا يصير بيج شي
رند :لا تخافين بس انتي متاكده من هذا السايق الي راح يجي لا يفضحنه
ايلاف :اي هو سايق بيت جمانه وهندي ما يحجي شي بس ينفذ العنوان جمان تعرفه هي ادلي
اتصلت صديقة ايلاف عليها وكلتلها السايق ينتظر بالباب
نزلت امل تتاكد من ابوها نايم ونزلت وراها رند وايلاف وليلى وطلعن على كيف للباب البرا
ليلى :اووووي وثول باعي كدامج
امل :اني لو انتي تنحرتي كدامي
ايلاف :احنه بيا حال هسه هسه وكتجن
رند :يلا دخلن وقفلن الباب وبس ارمش عليجن فتحلي الباب ماشي
امل : خليني اجي وياج
رند : دخلن جوه لا تخبلني رايحه سفره اني
وطلعت رند بالسياره وكلت لسايق يوديها وين جمان كلتله العنوان وراحت وهي ما تدري وين رايحه او حتى شنو الي ينتظهرها وبداخلها يا ربي شنو هالورطه هسه اني شكو اورط نفسي استغفرالله رند ذكري الله ماكو شي لخاطر عمج ما يستاهل يتاذى وهو الي انقذ حياتج وساعدج يا رب عيني يا رب ساعدني
السايق :مدام احنه نوصل
رند وهي تباوع من جام السياره :اكيد هذا المكان خو ما خربطت
السايق :لا مدام هذا هو تمام انا جيب جمان هوايه هنا
رند :اي بعد جمان خبره
ونزلت من السياره وكلبها يركع طبول تقدم خطوه وترجع ثنين الا ان وصلت للباب ودكت الجرس وفتحلها حارس الباب وهي شافته واخترعت بداخلها يا ربي قويني اذا هذا الحارس هيج الي جوه شلون
رند تخفي خوفها بثقه :اني اجيت لاستاذ ايهاب
الحارس وهو مفهي عليها :شهالجمال اول مره نشوفه
رند : لو سمحت اني لاستاذ ايهاب وبس
الحارس بنضره : يا بخته استاذ ايهاب  تفضلي يحلوه
رند(عمى بعينك ان شاءالله) : يسلمو
ودخلت رند وهي مصدومه من الي تشوفه وتحاول تكون طبيعيه ولد وبنات مختلطين كلاصات شرب بكل مكان واغاني عاليه والجو صاير ضباب من وره التدخين والناركيلات هي واكفه بدايه الباب ورجل تضرب بالثانيه من الخوف بس طبعاً ما مبين عليها متصنعه القوه والثقه وهي ادور على واحد بعيونها
: منو الاموره جديده هنا :
رند وهي مطنشته وما زالت ادور بعيونها
: اويلي ما مار علي هيج عطر يسطر
وما زالت رند مطنشته
: دعوفها حياااتي متشوفهه مدا تكلبك اوووي شكد مغروره
رند : لاني لاستاذ ايهاب
: اهااااا دكولي هيج من الاول والله مدلل نفسه هالايهاب دومه ضامه لنفسه الكرزات
رند وهي تريد تستفرغ بوجهه من ريحة الشرب والجكاير :ممكن لو سمحت تبعد
بعيونه الي اكلتها اكل من اول ما دخلت وعيون كل الي بالصاله عليها واكيد العيون العسليه كاعده بالزوايه تراقب الوضع وبداخلها والله حرام هالجمال وتوصخ روحها بالقذاره وسحب نفس جكاره وما زالت عيونه عليها
: تفضلي قلبي وهو ذااايب ابحة صوتها الي صارت عدها من الخوف وانطت لصوتها جمال
رند الله ياخذك شكد وقح ميخالف رند تحملي جم ساعه وترجعين للبيت تحملي لخاطر ايلاف وعمج : ميرسي تعبتك
رند وما زالت ادور على ايهاب الي ما شايفته بس بالصوره وعيونها ادور منا ومنا حاول واحد يتقرب عليها ويحط ايده على خصرها بس هي بعدت عنه بطريقه ذكيه
رند : جو جو جو جو جو وهي تأشرله بيدها اني لايهاب وبس تريد ايهاب يزعل منك
سكران وطافي: لاا لااا لااا كلشي ولا زعل ايهاب بويه
وابو عيون العسليه من بعيد : ترا ثبرتينه ايهاب وايهاب المن جايه انتي غير حتى تونسينه قابل بس لايهاب
رند وهي مفهيه بعيونه ومستغربه انه مو سكران مثلهم : لاني جايه لخاطره وهي ترمش بعيونها
امير باستهزاء : اي حقج
رند ( هذا شبي شايف روحه على شنو وهو حاله من حالهم سكرجي  وسرسي وجع )
وشغلن البنات اغاني وكعدن يركصن بنص الصاله وسحبن رند وياهن حتى تركص وضلت واكفه وصافنه وهي تسب بنفسها وتلعن وعلى الساعه الي اجت بيها هنا وخلصت الاغنيه والشباب
: ياااا ب بسكوت تت ا اي ايهاب ركصي شوي خلي نشوووووف ج ججمالج
: ايييي والا شعجب ايهاب بيج غير ركصج
رند وتحس نفسها تورطت : لا لا لا ان.......
امير يقاطعها : اوووهوووو تر دوختوينه ايهاب يا ايهاب
رند ( هذا شلطش عمى بعينه شكد خفيف ) : ايييي بس لهوبي
وبالكوه فكت روحها من سالفة الركص وراحت كعدت على وحده من القنفات وهي ادز للبنات اطمنهن انها بخير
امير بالجهه الثانيه يحجي بالانكليزي ويه واحد وعلت اصواتهم وهمه يتناقشون راح اكتب الحديث الانكليزي بالفصحى
: لقد قلت لك من قبل اذا لم تتعاون معنا سوف تخسر
امير : هههههه وهل تريد مني ان اتعاون مع مدمرين البلد
: ليس تدمير هذه تجاره وانت تاجر ما الذي يمنعك من ان تقوم بذلك
امير :يبدو انك لا تميز بين التجاره والجريمه هذا العمل ليس من مبادئي تركته لك ولامثالك
: لماذا انت عنيد لماااذا وشمر الكلاص الي بيده عالحايط الي على اثره اخترعت رند وامير انتبه عليها شلون خافت
اميروما زال هادئ : قلت لك واوصل كلامي لسيدك اني لن اتعاون معكم لا اليوم ولا بعد سنه ولو تورط ايهاب معكم لما جلست معك ابداً
وطلع الرجال وهو معصب وامير اتجه باتجاه رند
رند كاعده وتشوف الولد وكلمن ياخذله بنيه ويصعد بيها للطابق الثاني ورجعت تباوع على مكان امير وبعدها مستغربه انه صاحي من بينهم وبنفسها ماشاءالله علي وسيم وهيبه شجابه لهدرب وهي شافته جاي عليها اهوووو هذا شجابه علي يا ربي وينه هالقندره هذا لعبت نفسي
امير باستهزاء بالانكليزي عباله مراح تفهم علي  :ماذا بها بسكوتت ايهاب حائره 
رند خرا عليك وعلى ايهاب الله ياخذكم :ترااا انته هواااي لحيت واني كتلك منتظره ايهاب لا غير
امير وهو يصفكلها : لاوتعرفين لغات بعد الظاهر شغلج على مستوى وهو يغمزلهه 😉
انتي شنو اسمج اول مره اشوفج هنا
رند ( واخر مره ان شاءالله) وهي تجاري تريد تعرف اي شي عن ايهاب حتى تخلص وتطلع :اني رند وهي مبتسمه
اميروهو يحط ايد على خصرها وايده الثانيه يحاول ينزل التوربان  :-واو اسمج حلو وهو يتقرب منها
رند بخوف لزمت ايده تبعدها عنه : ممكن تبعد عني
امير : تنكطين شرف 😏
رند وهي تبعد عنه وهي تريد اضربه بس ايده جانت اسرع ولزم ايدها : بدون تجاوز لو سمحت 
امير وعيونه مركزه بعيونها : واااااو يا محترمه انتي ناسيه انتي وين لو سكرانه والله لاندمج على رفعة ايدج هاي
رند والدموع بدت تتجمع بعيونها :ممكن تكلي يمته يجي ايهاب
امير وهو يأشرلها على غرفه بنهاية الصاله بابها مفتوح وانتبهت على ولد كاعد بالكاع ومدنك راسه عالطبله الكدامه :هذاك ايهاب الي خبصتينه بي وتاليها حتى ما عرفتي وهو يضحك عليها
رند وهي تتهرب منه كامت ونست تلفونها عالقنفه وراحت لغرفة ايهاب ودخلت وسدت الباب
امير ثول حيوانه ساقطه مع الاسف الله منطيج هالجمال وجعه بقلبج وشاف تلفونها عالقنفه اخذه الحيوانه وما يعرف نفسه هو شبي معصب 😡
دخلت رند للغرفه وسدت الباب وكعدت تباوع للغرفه وعرفت هي هاي الغرفه الي ادور عليها وشافت الولد الكاعد بالكاع ومستغربه ما يشبهه الي بالصوره : ايهاب ؟؟
ايهاب وهو طااافي عالاخر من اثر المخدرات الي جاي يشم بيهن: روووح وقلب ايهاب
رند :يعني انته ايهاب
ايهاب :شنو اليوم حور العين جاي يمي يا بختي تعاي ونسيني يلا
رند وعرفت بي مو بوعيه وطافي عالاخر حامض على بوزك تلوح مني ظفر وهي تجاري :اكيد يا عيوني بس اول شي نشرب شي
ايهاب :لالا اذا اشرب شي بعد ما اكدر اكعدلج😉
رند يا زباله شكد وصخ : لا لازم اشربك من ايدي شي اول وراحت باتجاه البوفيه الي بيها اشكال الوان من الشرب وصبتله بكلاص وطلعت من جيبها المنوم وحطته اله ورجعت تشربه واول ما شربه بعده جاي يريد يحجي وياها طاح وهي حاولت تشيليه تحطه عالقنفه مصيبه علي شثكله وهي تسب وتشتم بي وبعد ما كعدته وتاكدت انه نايمه ظلت ادور بالغرفه عالفلاشات وراحت وشافت اكو جرار يم الجربايه فتحته وشافت كله فلاشات هنا من الفرحه ظلت اطشر بالفلاشات ادور على اسم حفلة ايلاف واخيراً لكت حافظه صغيره ومكتوب عليها حفلة ايلاف طلعتها وحطتها بجيبهه وسمعت الباب ينفتح .......

قراءه ممتعمه ان شاءالله تنال رضاكم وعلقو حتى اعرف عجبتكم القصه
بناااات دعمكم بلييييييز
اذا تظل المشاهدات قليله
مراح استمر بنشر القصه ❤️🌹