ممكن تفتح الباب احنه الشرطه
محمد الشرطه يا ساتر خير ان شاءالله وهو يفتح الباب : خير بوويه شصاير
الشرطي : عمي بلا زحمه عليك ممكن تتفضل الست رند احمد حميد ويانه
محمد :ليش ابني شنو السالفه
الشرطي : عمي البت شنو تعودلك ؟
محمد :بت اخوي بويه بس والداها متوفي
الشرطي : لعد جيب البت وتفضلو ويانه
محمد : اااي غييير افتهم شسالفه
الشرطي بنفاذ صبر : عمي هناك تفتهم بالمركز الله يخليك لا تعطلنه عن شغله
دخل محمد وهو يصيح
محمد : رننننند رنننند
رند بخوف : خير يابه
محمد : شمصخمه ولج ومخليه الشرطه تجي لباب البيت 😡
رند وهي مصدومه : شنووو😳
محمد : روحي لبسي عباتج بسرعه 😡
رند :بابا شنو وين
محمد : بببسسسسرررعه تحركي
صعدت رند تبدل ملابسها وتلبس العبايه
وامل وليلى مصدومات وما يعرفن شنو يسون
واول مره يشوفن ابوهن معصب لهدرجه
امل بهمس :ليلى شنسوي
ليلى :شنسوي يعني اصبري نشوف تاليتها
نزلت رند وصعدت ويه ابوها بسياره الشرطه
محمد بصوت ناصي : هاي تاليتها رند تجرجرينه لمراكز الشرطه
رند وهي تبجي :صدكني بابا ما ادري شصاير
محمد :خلي نوصل للمركز واشوف شمصخمه
رند وهي تفكر معقوله وصلت بي الحقاره يبلغ عني وهي بحيره انزين بلغ عني بقتل ايهاب توه تذكر يعني
اوووووف يا ربي شسوي بعمري منين طلعتلي انته شجابك علي الله ياخذك
وصلو ودخلو لمركز الشرطه
الشرطي : سيدي جبنه المتهمه وياها عمها
الضابط : دخلوهم
الشرطي :حاضر سيدي
دخل محمد ودخلت رند وراه
والضابط ظل صاافن على رند وجمالها
الضابط : اااااي تفضل عمي تفضل
محمد :مشكور ابني بس ممكن افهم ليش دازين على بنتي
رند ((رحتي بين الرجلين يا رند))
الضابط :اي حقك المحروسه بتك جانت تشتغل بشركه دزاينر عراق
محمد :اي ابني
الضابط :المحروسه ساحبه قرض بقيمه 15مليون
من الشركه على راتبها وما مسدده منه فقط تلاث ملايين وصاحب الشركه طالب فلوسه
رند ((وهي تجر نفس الف الحمدلله عبالي علمود ايهاب بس لحظه هذا النذل مبلغ علي علمود الفلووووس 😠))
محمد : لا حقه بويه حقه وهو يفرك ايدي من العصبيه
الضابط :هو طالب مدة التسديد خلال يومين بس اذا تحب تفاهمو ويااا بلكي تنحل وديه
رند :العفو حضرة الضابط بس اني مسحبت هالمبلغ
الضابط وهو عاجبه نبرة صوتها ويريدها تحجي اكثر :وشنو اثباتج على كلامج
رند وبكل قهر :للاسف ما عندي بس اني مستعده احلف عالقران اني ما اخذت شي صدكني
الضابط وهو يمدلها الشيكات :هذا مو توقعيج ؟؟
رند :اي بس....
محمد كرص رجلها :بس سكتي فضحتينه ويعلي صوته يا حضرة الضابط شلون نكدر نوصل لصاحب الحق حتى نتفاهم ويااا
الضابط :مدير اعماله استاذ سامي ينتظر بالغرفه الثانيه اذا تحب تكعد ويا تتفاهمون
محمد :اي والله يا ريت بلكي تنحل
الضابط :تدلل بويه بس ثواني
دخل سامي وسلم على محمد
محمد :ابني صراحه اني خجلان منكم بس المبلغ جبير مو مال يومين بيها مجال يعني تمدد المده
سامي :عمي والله الموضوع مو بيدي هاي ظلت يم جنابه بعد
محمد :ابني اذا يريد اروحله لبيته واعتذر منه بس فدوه وليدي دبرها من يمك هسه مو حلوه بنيه وبالمركز
سامي :لا حقك عمي اي والله حجايتك صحيح ولا يهمك هسه اتصل علي وابلغه
محمد :اي والله ممنون منك وليدي
وطلع سامي من الغرفه علساس يتصل بامير بس طبعاً جذب لان هو متفق وياا من الاصل على كلشي ورجع دخل للغرفه
أنت تقرأ
لقلبك انتمي
General Fictionمطار بغداد الدولي نزلت طيارته الخاصه ونزل من درج الطياره بشخصيته الواثقه وبطوله الهيبه وهو ينزل ويسلم على مدير اعماله : اشتاقيتلك يا غالي
