لقلبك انتمي

البارت التاسع

مساء او صباح الخير بتوقيت كل وحده
هذا اخر بارت يمكن انزله منا لوره العيد اذا شفت القصه ما صعدت مشاهداتها احذفها

قراءه ممتعمه

رند :اماااا هذا صدك بلا اخلاق منين جاب رقمي 😡
امل وهي مستغربه :اسم الله الرحمن شبيج ؟
رند :لج هذا الطايح الحظ شوفي شدازلي
امل وهي تشوف المسج :هذا شبي ما عنده شغل غيرج
رند :اني اعلمج بي وهي تصعد لغرفتها
امل :هوووب هوووب. رند انتظري شراح تسوين ؟
رند :شسوي يعني اطيح حظه واعلمه ان الله حق شافني ساكته واخذه الواهس
امل : ولج اوكفي خاف تخابري وتصخمين السالفه
رند بعصبيه : امل وخري عني لا ودين الاسلام اطلع ضيمه بيج
امل والي تعرف رند اذا عصبت حبت تسكت عنها

رند وهي تتصل بالرقم

امير :هههههههههههههه شنو اشتاقيتلي بهالسرعه
رند والي ربكتها ضحكته :انته شنو تريد مني ومن وين جبت رقمي
امير :اريد اندمج على كلشي واخليج تتمنين الموت
وبعدين اني اذا اريد اجيبج بكبرج مو بس رقمج
رند وهي خايفه من كلامه بس ما بينتله :حرام عليك انته جاي تظلمني وللمره الثانيه اكلك راح تندم هواي بعدين
امير : ههههههههههه اندم ؟؟على شنو اندم على وحده ساقطه لو قاتله لوووو كح.......
رند والعصبيه صارت عدها تقره الف
شوف شركتك وطردتني منها وشرطه وبهذلتني بالمركز وطلعلتني بواكه شنو بعد اكثر ما شڤيت غليلك لا وفوكاها مسوي نفسك صاحب فضل علي
امير :بعدج ما شايفه شي هاي مقبلات يا حلوه
رند : صدكني اني ما كتلت ايها.......
امير : اش اش اش اش اش لا تجيبين اسمه على لسانج باعي لج بعد ساعتين الكاج مزروعه يمي بالعنوان الي راح ادزه الج واذا ما اجيتي اعتبري ابوج مدري عمج مطرود من شغله
رند :لك انته شجاي تكول تخبلت لو شارب؟؟
شلون ترضها على نفسك تجرجر بنات الناس هيج وشلون تريدني اجيلك لااااا انته الظاهر فيوزك ضرب
امير وببروده دمه المعتاده : الي عندي كلته اماا شلون تجين فهاي شغلتج ما ينخاف عليج
وما خلاها اجاوب وسد الخط
رند : الغبي يسد الخط بوجهي 🤬
امل : شفتي كتلج عوفي هسه شراح نصخم
رند وهي خايفه منه على ابوها لا يخسر شغله وخايفه على نفسها شلون تروحلها وهي ما تعرف شنو يريد منها
رند : اذا مرحت راح يطلع بابا من الشغل وانتي واني ندري كُلش زين مراح تصعب علي
امل : عزااا بعينج تسودنتي تردين ترحيله برجليج
رند :لعد شتردين اكعد واحط ايدي على خدي وانتظر
خليني اروح عالاقل احاول احجي وياا وافهمه بلكي يفك ياخه عني
امل : لالالالا انتي رسمي تسودنتي
رند :امل الله يخليج مو وكتج تكُنين على راسي بروحي حايره شلون اتصرف عبالج هينه علي انزل كرامتي لواحد منعدم ومنحط مثله بس ما بيدي شي
امل : اووووف استغفرالله وشلون راح ترحين وبابا شلون رند هنا بغداد مو تركيا ركزي شوي
رند : لا تخافين علي اعرف ادبر امري ومثل مكتلج
اروح احجي وياا وافهمه على كُلشي
امل : والله اني ما مرتاحه لهروحه كعدي احسن
رند :اوووهووو امل كُتلج راح اروح وهسه هم
امل وهي تلطم على خدها :عزا العزاج ولج تردين تفضحينه واذا سئل عليج بابا شكله يمصخمه
رند :كليله مريضه نايمه ما ادري دبريها من يمج
امل وهي تحاول تقنع رند متروح بس ماكو فايده رند حطت براسها انو تروح وتحجيله كلشي لانها بزعت من الوضع