لقلبك انتمي

البارت السادس

هذا البارت لعيون انسانه عزيزه على قلبي ❤️😘
قراءه ممتعمه .....👇🏻

وسمعت الباب ينفتح بسرعه من الخوف شافت باب
الكنتور مفتوح دخلت بي وظل طرف منه مفتوح وهي تشوف الي دخل وشايل بيده مسدس وحطت ايدها على حلكها تكتم صوتها وشافت الرجال الي دخل يكتل ايهاب ويصوبه على صدره بالمسدس وبسرعه طلع وبس شافته طلع وطبعاً هي مصدومه وخايفه من الي شافته بس لازم تطلع قوت نفسها وطلعت بسرعه وركضت باتجاه الباب وهي تسمع اصوات اجهزه لاسلكيه وشرطه برا وبلعت العافيه من الخوف وهي طالعه شافها امير وعيونه تطلع منهن شرار وهي بسرعه طارت للباب وركض عالسياره وصعدت وطلبت من السايق يروح كبل للبيت وهي تصيح علي
رند : بسسسررررررررعه تحرك بسرعه

دخل امير للغرفه وشاف ايهاب غركان بدمه بس بعده عايش
امير : الكلبه بت القندره من الاول ما ارتاحيلتج الحيواااانه
وشاله واخذه للمستشفى وكلوله انو مات بسبب جرعه زايده من المخدرات وبعد هاليوم امير تهدد اكثر من مره بسبب رند لان شافو بكاميرات المراقبه انو رند اخذت الفلاش وعبالهم ماخذه فلاشات تخص شغلهم وامير فهمهم اكثر من مره انو البنيه اخذت فلاش يخصها عباله فيديو الها هي وايهاب وهو ما يدري انو مو هي الي رمت ايهاب وهو بعد موت ايهاب عرض البيت للبيع وتبرع بفلوسه والفلاشات كلها طلعهن وحركهن بعد ما شاف محتواهن كلهن لبنات وركص وفيديوات خلاعيه وعرف معلومات عن رند وامها وابوها متوفين وهي عايشه يم عمها وطلب من سامي يوفرلها طاقم حراسه بدون ما تحس لانه خاف عليها لا يوصلولها المافيا وبالذات قصي الي هو ابو ايهاب وهو جان يتاجر بالمخدرات ويروج الها وضيع ابنه بسبب هالتجاره ورند من بعد هااليله رجعت للبيت وانطت الفلاش لايلاف طبعاً ايلاف ما جان الها علاقه  بس صديقتها جمان عدها هيج درب وبحفله مال عرس صديقتها جانت ايلاف موجوده وهي دزت لايهاب التصوير وايهاب عجبته ايلاف وطلب من جمان تجيبها اله وطبعاً جمان كلت لايلاف وايلاف رفضت

جمان : شوفي هي يوم واحد صدكيني اذا ما رحتي يفضحج هذا ما عنده رحمه
ايلاف: الله ياخذج جمان الله ياخذج انتي فعلاً وحده حقيره لج اني شلون جنت مخدوعه بيج
جمان :اني الي علي بلغتج وانتي كيفج بعد
ايلاف :انتي شنو من طينه تحجين وعبالك الموضوع عادي يعني
جمان :انتي بالحالتين متورطه فروحيله يوم وهو اغلب الوقت فاقد بس روحي وبعدين شردي منه احسن مما يحطج براسه ويدز الفيدوات لابوج
ايلاف :كلبه حيوااانه طلعي من حياااتي روووحي

وظل وراها وظل يهدد بيها ينشر المقطع من غير مقاطع هو مركبهن ومسويهن الها ولمن خافت سولفت للبنات ورند كلتلها انا اساعدج لانها تعزهن مثل خواتها وخافت على ايلاف تتدمر حياتها بسبب شي هي ما مسويته
وبعد العرس مباشرةً رند راحت لتركيا يم خالها تكمل دراستها  ادارة اعمال وظلت هناك سنتين وصارلها سنتين من رجعت للعراق واشتغلت بشركه دزاينر عراق الي ما تدري بيها انو هي تابعه لشركات امير وطبعاً هي بعد الحادث عرفت انو ايهاب مات وانو امير يكون خاله وهو جان متعاون ويه الشرطه والجيش لان الاخبار والصحافه نشرت الخبر بعد عملية الاقتحام كدروا يلزمون كم واحد من عدهم بس قصي ابو ايهاب لحك يشرد قبل لا يلزمو واتمنت انها توصله حتى تكله انها ما قتلت ايهاب وانها تعرف شكل الي قتل ايهاب وتساعده بس وين يا رند انتي وييين وامير وين