البارت : 3
استغفرالله ، لا تشغلكم عن طاعة الله
« نجمة ⭐ قبل تقراء/ين يا حلو/ة »
في بيت ابو ضاري
دخل غيث البيت بتعب من الشغل في الدكان والتنقل بين المدينة و الديرة و خلفه ابوه
ابو ضاري : سلمى
سلمى اغلقت من ضاري و ركضت للحوش : سم يبه امرني
ابو ضاري : زهبي القهوة
غيث التفت بصدمة : المفروض عشاء و ننام
ابو ضاري : انهبلت انت احنا مغرب النوم بعد صلاة العشاء
سلمى وهي تسحب غيث معاها عشان ما تصير هوشه بينه و بين ابوها
: يا الربادي علامك انت ما عاد تشوف الساعة
غيث عقد حاجبيه بشبه غضب : ربادي؟
سلمى حطت يدها على فمها : اوه سوري برذر
ابتسم غيث مباشرة : عنقليزي اجل
ضحكت سلمى بقوة وهي تدخل المطبخ تسوي قهوة و تتذكر غيث لما علمها بعض الكلمات الانجليزيه و قالت له مابي اتعلم عنقليزي بعد ما ملت وهي تحاول تنطقها صح : تعلمنا منك
دخل غيث معاها المطبخ وهو يجهز فناجيل القهوة
وهي تسوي القهوة و التمر
ابتسمت على غيث الي دايم يحب يساعدها حتى لو بابسط الاشياء ولا عمره عصب عليها دايم اذا عصب يرجع يبتسم علطول
وهذي من عادات غيث كمان انه يحب يساعد ولا يعرف
يعصب على سلمى لانها بمجرد ما تتكلم يرجع يبتسم بوجهها
......................................••..................
في بيت ابو مطلق
رجع ابو مطلق و مطلق و برق من المزرعة الي في منطقة قريبة من المدينة و دايم يروحون للمدينة يعرضون بعض المحاصيل على تجار الخضار و الفواكه و الباقي يبيعونه بالديرة و شوي منه يجيبونه بالبيت
دخل مطلق و معاه كرتون كرز و برق معاه كرتون عنب الفواكه الي تحبها ديم
ركضت ديم وهي تستقبلهم بأبتسامتها المعتادة
و تسحب الكراتين للمطبخ بفرح
و طلعت امها لما سمعت صوت ابو مطلق
ام مطلق : هلا بعيالي يا هلا
مطلق : هلا فيتس يمه
برق : يمه جبنا الخضار الي طلبتيها
ام مطلق هزت راسها : الله يرضا لي عليكم ما تقصرون
ابو مطلق : وين رعد؟
ام مطلق : بالدكان للحين ما رجع
ابو مطلق : زين زين خليه يتعلم الشغل دايم يتهرب و اخذت مطلق و برق معي عشان يروح بنفسه و يشتغل زي اخوانه وش يفرق عنهم
جلس برق و مطلق عند ابوهم و ام مطلق الي دخلت تسوي القهوة
لكنها رجعت و وراها ديم الي سوت القهوة عشان ما تتعبها
و جلست وهي تصب لهم القهوة و صبت لنفسها
و جلسو وهم يسولفون و وسط السوالف تكلم برق
برق : يبه يقولون غيث يروح للمدينة و يرجع بنفس اليوم و لا حد يدري وين يروح و اهل الديرة بعضهم يقول يروح يدوج و بعضهم يقول يشتغل
ابو مطلق : والله ما يهمنا الناس لكن نحسن الظن يمكن يشتغل صدق
مطلق : ايه وش علينا بالناس
لفت انتباه ديم اسم غيث الي قاله رعد لنفس الشخص الي شافته من شباكها و استنكرته و سرحت بتفكيرها
ولا صحت الى على فنجان القهوة الي انكب عليها
وصوت امها : بسم الله عليتس طاح الشر طاح الشر
حست ديم باحتراق و كان ودها تصرخ لكن ما تقدر
حس فيها مطلق و ضاق كثيير على حالتها الي ما تسر العدو حتى انين الآلم ما يخرج منها
قامت وهي تغسل يدها بمويه و تدخل غرفتها
انسدحت وهي تسحب المخدة وتعضها بقوة تفرغ فيها قوة الصرخة الي بداخلها و ما تقدر تخرجها
و رفعت وجهها وهي تبكي تبكي لجل ضيق اخونها و امها و ابوها عليها تبكي للالم الي تحسه لا ودت تحكي و ما تقدر تبكي للضيق الي تحسه فيها لما شافت وجه غيث و استنكرته يذكرها بشيئ تكرهه حييل
سمعت صوت امها و مسحت دموعها مستحيل تخلي امها تشوف ضعفها و تضيق عليها اكثر
ام مطلق : تحرقتس يدتس؟
هزت ديم راسها بالنفي وهي تبتسم تبين لها انه عادي
هزت ام مطلق راسها باسى و طلعت
و دخل بعدها مطلق بهدوء
و جلس : تحرقتس صح؟
هزت ديم راسها بمعنى "ايه" وهي ودها تبكي لان مطلق هو الوحيد الي تقدر تبين ضعفها له لانه يتركها براحتها ولا يتكلم
مطلق قرب منها : حطي راستس وابتسي
قربت ديم وهي تحط راسها على كتفه و تبكي بدون صوت
و بعد دقائق حس بأنتظام انفاسها و خلها تستلقي على مكانها و غطاها و طلع
و شاف رعد الي كان بيروح عند ديم
مطلق : نامت
رعد : زين
و رجعو للحوش عند ابوهم
ابو مطلق : عساك اشتغلت زين بالدكان
شهق رعد داخلياً برعب وهو نسي يفتح الدكان من كثر تفكيره بصاحبة الرسائل و مازن الي طفشه بكثرة السوالف و القيل و القال : ايه ايه الحمدلله
مطلق شك انه يكذب و سكت
ابو مطلق : ايه وش طلعت
ارتبك رعد وهو ما يعرف وش يقول
و لفت انتباه مطلق الي يأشر بيده على اربع ميه
رعد : اربع ميه
ابو مطلق ابتسم : زيين زين تشتغل اجل
هز رعد راسه بتسليك و خوف و قام لغرفته
و لحقه مطلق
مطلق : انت انهبلت ليه ما فتحت الدكان
رعد : والله اني نسيت
مطلق طلع اربع مية : بكره تقوم الفجر تركض و تحط الفلوس بتجوري (خزنة للفلوس) ابوي بالدكان قبل يعرف بفعايلك
رعد ابتسم و اخذ الفلوس وهو يبوس راسه : والله انك كفوو
مطلق : تراها دين
رعد كشر : افااا اخوي و دين؟
مطلق : علم و وصلك
رعد بتزفير : زين
مطلق : ترا حبل الكذب قصييير انتبه ، و طلع
كان مطلق مستحيل يهتم للفلوس ولا يعتبره دين لكن ما يبي رعد يتعود يتسلف من الغير وياخذ من الناس يبيه يعتمد على نفسه و يشتغل معاهم و بنفس الوقت ما يبي يخرب صورته بعين ابوه لاعرف انه يكذب
أنت تقرأ
جِيتني غَيث و انا قَلبي بدُوي يرحّب بالمِطر حتى لو بَل ثُوبه
Randomتدور الاحداث في ضَواحي ديرة نجد باللهجة المُحببة للكُل و الاجواء اللطيفة تحت قسوة العادات و التقاليد و الصِراعات لكشف الستائر عن الحقائق التي خُبئت في الماضي و غيرُها من صراعات الحب و الغيرة و القسوة و الحنية ابطالي يحملون مزيج من الغرابة و الغموض...
