البارت : 6
استغفرالله ، لا تشغلكم عن طاعة الله
« نجمة ⭐ قبل تقراء/ين يا حلو/ة »
غيث ؛ قلة ادب صبي لي قهوة اول شي
سلمى ضحكت ؛ ضاري جابه مب انت
ضاري نظر له بلعانة ؛ ايه صح
سلمى نظرت لضاري بصدمة لانه اول مره يحارش غيث معاها ؛ شفت قال صح يا حبي لك يا اخوي
غيث سحبه بأبتسامة ؛ جابه لي صح يا ضاري
ضاري نظر له ؛ صح
غيث نظر له ؛ كنت بزعل عليك لو قلت لا
سلمى ضحكت ؛ يا بزر حط الحلاو صبيت لك قهوة
حط الصندوق بعد ما صرخ ابوهم ؛ يا ولد
اعطى ابوه حبه بنكهة الفراولة
ابو ضاري وهي اعجبته ؛ مابها خلاف
غيث ابتسم ؛ قل اعجبتك يبه عادي
ابو ضاري ؛ قلت زينه انا وش قلت
ضاري بهدوء ؛ خلاص غيث اسكت
سكت غيث بضحك خفيف وهو يتقهوى
سلمى ابتسمت ؛ لذييييذه
غيث ؛ جعله بالعافية
سلمى وهي تشرب القهوة ؛ يعافيك يا اخوي
و كملو يتقهوون و غيث يسولف لهم و ضاري نادراً ما يشارك معاهم و يتفاعل ثم يرجع لصمته من جديد
اذن المغرب و قامو كلهم
يتوضون توضى ضاري ثم غيث بعد ابوهم
و طلعو للمسجد
و سلمى توضت و لبست جلال الصلاة و كبرت
..................................••...............
في الطريق
يمشي ابو ضاري و جمبه ضاري على يساره
و جمب ضاري غيث
و يمشون بهدوء للمسجد
ودخلو المسجد و خلفهم ابو حميدان و مازن و حميدان
صفو اول ناس صف مستقيم
ثم بعد دقائق بسيطة امتلئ المسجد و كبر شيخ المسجد
و صلو جماعة متوحدين
انتهو من الصلاة و خرج البعض و البعض جلس
و منهم ابو ضاري الي جلس مع ابو حميدان و شيبان
و غيث و ضاري جالسين بعيد عنهم بشوي و يسمعونهم
ابو حميدان ؛ سلطان شفت ولدك
ابو ضاري ؛ ايه شفت
ابو حميدان ؛ احنا قلنا الي يخلف القوانين يطلع من الديرة
ابو حمزة ؛ وش شفتم اي قوانين
ابو حميدان ؛ ضاري معه تلفون
غيث كان بيقوم و ضاري مسكه و جلسه ببرود
ابو ضاري ؛ تبيني اطرد ولدي يا خالد
ابو حميدان ؛ القوانين تقول كذا
ابو حمزة ؛ دامه خالف القوانين ينطرد ماله مكان عندنا
غيث بهمس غاضب لضاري ؛ عشان جوال ننطرد من ديرتنا والله ماهي حاله هذي والله ان طردوك لاطلع جوالي و اخليهم يطردوني وراك
كتم ضاري ضحكته و اكتفى بأبتسامة بالكاد ترا
و غيث مقهور و يراقب النقاش
مازن بهمس لحميدان ؛ حميدان والله شكلك بتنطرد معاه
حميدان ؛ اسكت خل نسمع
ابو ضاري ؛ ولدي ولدي البكر تبيني اطرده وش تقول انت
ابو حميدان ؛ خله يواجهنا بفعلته و نقرر
قام ضاري بهدوء و جلس جمب ابوه قدام ابو حميدان
وعينه بعين ابو حميدان ببرود و ثقة
ابو حميدان : ضاري انت تعرف وش مصير الي يجيب تلفون للديرة
ضاري ؛ اعرف الي معه جوال اما تلفون لا ما اعرف
ابو حميدان ؛ وش الفرق؟
ضاري بهدوء : التلفون الي ببيتك و الجوال ، طلع جواله ، هذا جوال
الكل توجهت انظارهم للجوال بيده بجهل و استنكار
ابو حميدان ؛ الي هو تعرف وش مصيره؟
ضاري ببرود ؛ الطرد
ابو حميدان ؛ وانت معك جوال
ضاري نظره بنص عينه بثقة ؛ يعني تبي تطردني؟
ابو حميدان ؛ ايه خالفت القوانين و هذا عقابك
ضاري نظر له ؛ اجل باخذ معي حميدان اذا تسمح
ابو حميدان ؛ وش دخل ولدي
ضاري بهدوء ؛ ابد ابيه معي ولا راح يطب الديرة بيخاويني
ابو حميدان ؛ لا منت ماخذ ولدي
حميدان تقدم ببرود و بيده جواله ؛ بس يبه انا معي جوال؟
حمزة تقدم و جلس جمب ابوه ؛ وانا معي جوال و طلعه
غيث قام و طلع جواله ؛ وانا بعد معي
مازن اخفى ابتسامة وهو يطلع جواله الجديد ؛ معهم انا للاسف
و صقر شافه و سحب ابوه و جلس
ابو صقر ؛ وشذا عيالكم معهم جوالات!
مازن ضحك ؛ تعجبني يا عمي تعرف اسمه
صقر ضحك ؛ والله انا معي بعد
نظر ابو حميدان بصدمة لهم
ضاري بهدوء ؛ يعني باخذ اخوي و عيال عمي معي و حمزة و نطلع و قامو
و دخل رعد يركض وراه برق و مطلق الي جابهم لما شاف الي صار بالمسجد
رعد ابتسم ؛ انا معي
برق ؛ وانا معي
مطلق ؛ وانا معهم
و قامو كلهم بيطلعون من المسجد
لكن اوقفهم صوت ابو صقر ؛ انتظروني بروح معكم
و طلع جواله الي جابه له صقر و وقف بعكازه و يمشي ؛ انا بروح معهم دام مالي مكان
انصدم الكل من ابو صقر و مازن و غيث و صقر و رعد و برق كاتمين ضحكتهم
ابو حميدان و ابو ضاري فزو ؛ لا يابو صقر وين رايح
ابو صقر ؛ معي جوال المفروض انطرد صح؟
ابو حميدان ؛ انت اجلس
ابو صقر بحدة ؛ انا اجلس و ولدي ينطرد لا والله
دخل ابو مطلق ؛ وانا مع عيالي ماني جالس و عيالي مطرودين
ابو ضاري ؛ كلكم بتجلسون خلاص
ابتسم ضاري داخلياً وهذا الي كان يبيه
و تفرقو و كلهم ماسكين جوالاتهم ولا احد يقدر يحاكيهم
رعد وبرق و مازن و غيث و صقر مع بعض
و مطلق و ضاري و حميدان مع بعض
رعد ؛ اخخ بردتم قلبي عطيناهم درس ما راح ينسونه
مازن وهو يفتح جواله ؛ جديد ما اعرف له بس شاركت
رعد ضحك ؛ انا بعلمك عليه لا تشيل هم
صقر ضحك ؛ اخ بس كنت بقول اخيتي معها جوال
غيث فز ؛ خواتك معاهم جوالات ابوك بيذبحهم لو عرف
صقر بهدوء ؛ يعرف ابوي
غيث ابتسم ؛ شكل مجموعة المتمردين اكبر من توقعنا
ضاري اقترب ؛ والله بشري لسلموه جوال و بعلمها عنه الشي الزين و الشي الغلط ماهي باقل من بنات عمها
غيث نظر له ؛ زين
و طلعو من المسجد
و رجع ابو ضاري و ضاري و غيث للبيت
YOU ARE READING
جِيتني غَيث و انا قَلبي بدُوي يرحّب بالمِطر حتى لو بَل ثُوبه
Randomتدور الاحداث في ضَواحي ديرة نجد باللهجة المُحببة للكُل و الاجواء اللطيفة تحت قسوة العادات و التقاليد و الصِراعات لكشف الستائر عن الحقائق التي خُبئت في الماضي و غيرُها من صراعات الحب و الغيرة و القسوة و الحنية ابطالي يحملون مزيج من الغرابة و الغموض...
