# عقاب
الكاتبه ملاك
تصوويتت بناات💕
فناء :
كعدت الصبح
صباح الخير ماما
ماما :صباح العافيه بنيتي
اليوم شعجب كاعده من وكت
فناء: ـ ماما موكتلج البارحه انتِ وبابا اريد اسجل خارجي اكمل دراستي
ماما: ها ها نسيت
: ـ زين ماما تاخذيني للتربيه اسجل
: ـ يلا بدلي
صعدت لغرفتي سبحت وبدلت نزلت لكيت ماما جاهزه طلعنه للتربيه اسجل اخذت كل المستمسكات المطلوبه
رجعت للبيت بطريقي شتريت كتب اقرأ بيهم واحضر اللإمتحان التمهيدي
وصلنه للبيت لكينه زوجة اخوي مسويه غده
اخوي الكبير مجاز عدنه نايم بعده واخواني الباقين بالدوام همه وبابا
بدلت ونزلت احضر وياها شويه وأذن المؤذن صلينه وكملنه
اجو اخوتي وابوي من الدوام حضرنه الغده ولتمينه عـ السفره اكلنه
حجه اخوي الوسطاني
كرار : اني بس اكمل كليه ازوج مااضل
حجت ماما
:ـ اي وليدي اني ادورلك مره ع ذوقي
كال اخوي الكبير زيد
: ـ دير بالك تتزوج وتتورط ترا الزواج ورطه
خزرته زوجته وجهالها يمها جاي توكل بيهم
سكت
لهناك وحجه علش الصغير
ها خويه اشو سكتت من خزرتك مرتك
حچه زيد
:ـ شنو عبالك اخاف منها تراا اني متخوفني مره خاف عبالك
ضحكنه كلنه
كرار:ـ اي واضح
كامت زوجة أخوي دخلت لغرفتها زعلانه
كملنه غده شلت السفره وسويت چاي
صحتلها تعالي أشربي چاي ويانه
أجت كعدت بعيد عن أخوي وهوه يحاول يشاقيهه مترضى وياه
باوعت الها وضحكت همست
: ـ عفيه هيج خليج لاتنطيه مجال
خزرني وحچه
:ـ خالي انتِ همين علموج اخوتج السرسريه وياهم
ضحكت
: ـ ههههه لا بس اني ماأحب اشوف بنيه تنضلم
: ـ يستار وصلت للضلم منو ضالمها
رفعت اكتافي أضحك
حجت زوجة اخوي
تبارك: ـ اني من يوم يومي مضلومه
اخوي فتحت عينه وحچه
: ـ شمسوي ولج اشو جنج انهديتي
ضحكو اخوتي
