# عقاب
الكاتبــه مــــلاك،
اريد تفجير البارت الأخير بالتصوويت والتعليقات حته نختم ختاميه تشرف،، احبنكم 💕"
ــــــــــــــــــــــــــــــــــــــــــــــــــــــــــــــــــ
رَسايلكم وَجع للرَوح عفناهِن
ـــــــــــــــــــــــــــــــــــــــــــــــــــــــــــــــــــــــ
الحياة هذه محيرة جدًا ، لا بد من الحزن لكي نعرف السعادة ، والضوضاء لكي نقدر الهدوء ، والغياب لكي نقدر قيمة الحضور ... تدمير إنسان قد يستغرق دقيقة ، والإعجاب بإنسان قد يستغرق ساعة ، ومحبة إنسان قد تستغرق أيام ، لكن مسامحة إنسان على جرح وخذلان قد تستغرق عمراً بأكمله..!!
بعد مرور سنتين ...
: ـ فناء
گاعده عـ البلكون چان وقت الصبح الجو هادء حيل والهوا نقي يرد الروح كرار وزوحته بالدوام دوامهم صباحي من يرجعون اني اروح للشغل العصر اشتغل بمطعم بدخل لابأس بيه اسد مصروفي هنا بالغربه صح كرار مامقصر وياي بس أني احب اعتمد عـ نفسي ...
مخليه سماعات واسمع اغنية اصاله لا طال مارفقتني هذه الاغنيه طول السنتين الي راحن
لو ما رجعتش ليي بقلبك تاني هنا ..
لو ماحلفتش أن الثانية في بعدي سنة ..
لو ما أمنت أن الجنة في حضني أنا ..
مابقاش أنا ...
لو ما أندمت على الأيام اللي أبعدتها ..
لو ما دفعتش ثمن الغربة اللي أنا عشتها ..
لو ما شربتش كاس المر اللي شربتها ..
مابقاش أنا ...
بعد مانعادت الاغنيه للمره الاف نزلت السماعه وطفيت الموبايل وگف استنشق الهوا واملأ لرئتي منه ورجع ازفره لعله يساعد استخراج الهموم والسموم الي بداخلي ودخان الحرب الي خلفها الأحباب... تحسرت بيني وبين نفسي
: ـ أيي ياعقاب وين صرت أنتَ وزوجتك وين صفى بيك الوقت خلفتو أنتَ والشقراء تتذكرني مثل مااني اذكرك لو نسيت فناء وحب فناء انطيتك حب بدون مقابل وتالي أنتَ شلون جازيتني بالخذلان ...
طول الستنين الي مرن مافكرت اتواصل وي عائلة حجي يوسف ولا حته ميار تركت كلشي ورى ضهري كتفيت بنفسي ومشيت ماسمعت ئي خبر عنهم ولا اريد اسمع غيرت حساباتي وأكدت عـ اخواتي ماينطن معلومه عني ...
بعد مرور وقت دخلت طفيت الطباخ كمل الغده أذن صليت صلاة الضهر نقرع جرس الشقه
: ـ يعني المفتاح بجيوبكم ماتفتحون اله أني
كرار: ـ نتعاجز بعد اخوج فتحي متنه جوع
فتحت الباب واني ادردم، مد ايده كرار عـ خدي وگرصه حيل وشمر الجنطه عليه وزوجته ميته ضحك ويمشي ويدور بالشقه ويحچي
