# عقاب
الكاتبـه مـلاك
لا نتسوون التصويت بنات احبنكم 💕
«»«»«»«»«»»»«»»»»»»»»»»«»»
- أكبر مأساة في حياتي ، هي أنني فرضت على نفسي التعايش وبشكل صامت مع كل الأمور التي كانت تستدعي الصراخ وقتها، لمجرد أني أردت حفظ الود.
»«»«»«»«»«»«»«»«»«»«»«»«»«
الصلاه:
الفجر الساعه 4:44 دقيقه
گعدت عـ صوت المنبه،
صحيت بصعوبه أتلفت بالغرفه أدور عـ عقاب
ثبتت عيوني عـ جسم كبير فارض نفسه بكل شموخ عـ القنفة وغاط بسبات عميق
طوله چان طالع من القنفه،، رجله مصعدها عـ حافة القنفه ورجل ثانيها،، ونايم عـ ضهره متغطي نص ونص صاير الغطه عـ بطنه ونص عـ فخذه،
ورجليه طالعات اعرف هذا العملاق ماتكفيه لا قنفه ولا لحاف ".
نزلت رجليه بكل هدوء عـ الگاع ومشيت بناحيته
وگفت يمه وحركته عـ كيف من متنه وبصوت ناصي حچيت:
: ـ عقاب عقاب
فز فزه قويه وضل يتمم بكلمات مافهمتهن
: ـ اسم الله أگعد صلي ونام عـ الچربايه ليش هيج نايم؟
باوع بوجهي والتفت منا ومنا چن جاي يستكشف المكان وهوه وين نايم
من حسيته صحى عفته ودخلت للحمام اتوضئ
دقايق ورجعت لكيته نايمه عـ الچربايه عـ وجهه والغطى نص عليه ونص بالگاع مبين ساحله وياه من گام،،
وماصلى صلاة الفجر ضليت اباوع عليه ولاچني عفته صاحي قبل دقائق.
اووه يالهذا العقاب".
فرشت السجاده وبديت أصلي صليت الواجب
وبعدين صليت الصلاه القضاء ولو اني مامطلوبه بس ميخالف حته يطمأن گلبي،
كملت قريت دعاد الصباح وقرآن شكم صفحه وگمت لفيت السجاده وحرام الصلاه رجعتهن لمكانهن وجيت تمددت عـ طرف الچربايه وضليت اباوع بوجهه،
وهوه رايح بسابع نومه مديت إيدي عـ طرف شعره وبصبعي حركته وبعدين نزلت عـ رموشه بس جستهن ورجعت إيدي بسرعه خاف يگعد
ماچنت منتبهه اله شايل هـ الگد وسامه وجمال
هـ اللحظه بس لاحضت
نزلت نظراتي عـ رگبته وأخذني عيوني لـ صدره
وانتهت نظرتي بعضلات بطنه
ماحسيت عـ نفسي اله لمن گلب عـ الجهه ألثانيه
وأنطاني ضهره
ضليت اباوع لضهره مر وقت قصير وغفيت،،
: ـ منو؟
: ـ وحده حيل معجبه بيك
: ـ مالي خلك هيج سوالف تعبانه
: ـ بس احچي وياك دقيقه نتفاهم
شاف الرساله وبعد مارد
اووه وينج فناء شوفي حل وي هذا الشايف نفسه يعني انتَ لا مرتبط ولا متزوج اي شكو ماتباوع عليه موكتلها لنفسي عليك
اليوم سبت وماداومت بالمستشفى وحيل شتاقيتله
عرفت نفسي هذا مو مجرد اعجاب احس نفسي حبيته لهذا المخلوق وهوه مامعبرني،
عفت فراشي وكمت لكيت زوجة خالي معزله البيت كله تريكت وغسلت مواعيني ورتبت غرفتي ودزيت لفناء رساله،،
أكيد نايمه من تگعد تشوفها
حيل مشتاقه لـ امي الله يرحمها
وخالي گال نضل للعيد مال رمضان نروح ان شاء الله
رمضان مابقاله شيء
