# عقاب
الكاتبـه مـلاك،
لا تنسوون التصويت بنات احبنكم💕
ـــــــــــــــــــــــــــــــــــــــــــــ
فتحت الباب وأني مدنگه رأسي
رفعت رأسي اله شفته واگف گبالي
چنه منتظر إذن مني حته يفوت للغرفه
وخرت عن طريقه وسمحتله يدخل
دخل وگعد عـ القنفه وأشرلي بإيده أگعد
گعدت متوتره حيل ومخليه چف بچف وافرك بيهن حسيت أصابعي راح ينكسر
مد إيده وأخذ إيدي حضنها بچف إيده وحچه:
عقاب:ـ عوفي أصابعج كسرتيهن، شبيج ضايچه أحد محاچيچ؟؟
: ـ لا مابيه شي
عقاب: ـ چا شبيج مو عـ بعضج من شنو ضايچه
أحچي ".
: ـ اذا أكو شيء أكلك ماأضم عليك
عقاب: ـ احنه متفقين أصدقاء وكلشي يصير وياج تخلين عندي علم تمام؟
: ـ تمام چا أحچي شبيج؟
: ـ والله مابيه،
عقاب: ـ تمام أتمنى مابيج شي، باچر نروح نتسوك غراض لـ شهر رمضان لأن ماأعرف شنو الغراض المحتاجتهن،
: ـ أكتبلك بورقه وانتَ شتريهن
عقاب: ـ لا روحي وياي أحسن مابيه حيل لغوه
: ـ تمام الله كريم
عقاب: ـ يلا أروح انام تعبان بعدج تخافين من البزونه انام يمج؟
: ـ لا لا أخذ راحتك روح أرتاح،،
طلع من الغرفه طلعت وراه دخل لـ غرفته
وأني طفيت البيت والشاشه لگيته غاسل كوبه مال ألچاي ومرجعه لـ مكانه
عقاب بيه حاله حلوه من ياكل وأني مويمه يشليل المواعين مالاته ويغسلهن ويرجعهن لـ مكانهن
أبد ما يخلي شيء وراه مو نضيف،،
رجعت لـ غرفتي تمددت جريت موبايلي دخلت عـ حساب عقاب مال الفيس بوك لگيت جماعته مسوين تاكات عـ خطوبته ضايفهن ستوري
وناشر هوه صورته لابس قميص ابيض وبنطرون اسود وياه ولد عمه ونائل
كاتب عليها (ولد العمام والعضيد)
كلها العالم معلقه عليه
وياهم نائل معلق يوم الي وتزفني بإيدك ، وضحكه
وعقاب راد عليه أگطع الشارع وربك
ولد عمه همين رادين عـ نائل واحد يگله ها سريري وثاني يگله سربوت ويضحكون بالتعليقات
عفت الموبايل ونمت گعدت عـ صوت حچي بالاستقبال من الصبح
غسلت ولبست شالي وطلعت لكيتهم نائل وعقاب نائل مبدل يريد يروح لـ دوامه وعقاب بعده حته النعاس بعيونه يسولفون بخصوص الشغل والمحلات مال أبوهم ماأدري صايره مشكله بالشغل هيج أعتقد
صبحت عليهم وفتت للمطبخ خليت القوري عـ الطباخ وحضرت الخبز والگيمر وطكيت بيض عيون عقاب يحبه،
دقائق ودخلو عليه گعدو عـ الميز مال الطعام صبيت چاي الهم أخذوه وبلشو ياكلون ويسولفون،،
سكتو من سالفت الشغل،
ونائل باوع بيه وحچه:
نائل: ـ خويه شماله چايچ محترگ؟؟
رفعت رأسي اله وأخذت الاستكان مالي وشربت للعلم أني اشرب بيه بس هوه خلاني أشك بروحي
شربت وحچيت:
: ـ وين محترگ مابيه شي، وباوعت عـ عقاب منتظره يشجعني ويكول مابيه شي صح!!
