# عقاب
الكاتــبه مــــلاك.
لاتنسون التصويت وتعلق عمري ❤
ــــــــــــــــــــــــــــــــــــــــــــــــــــــــــ
آنه حته بظـلمتك تلگـاني ظِل .
ــــــــــــــــــــــــــــــــــــــــــــــــــــــــــــ
دخل عليه
: ـ أيــهم ...؟
: ـ بس التحاليل بقن يمج.
ضليت ادور بتوتر والتلفت : ـ ها اي هسه ادورهن
لكيتهن وي الاوراق اخذتهم انطيتهم اله اخذهن من ايدي وكال:
: ـ مشكوره
: ـ بالخدمه اني
مشه ومشيت وياه
: ـ شنو خلص دوامج ؟
: ـ لا بس اوصلك للباب
: ـ لتعبين نفسج
كل هذا الحجي واحنه نمشي وصلنه للممر مال الطوارئ
: ـ أيــهم
التفت عليه بحركه ثكيله حيل وكال:
: ـ ها ميار
بديت اعبث اصابعي ومحتاره منين ابدي
: ـ أيــهم لتفهم غلط ترا ... بعدني ممكمله قاطعني
: ـ مافهم غلط فاهم صح
: ـ لا موصح
: ـ شلون بلا؟
: ـ مااعرف شنو الي واصلك بس ماكو شي من الي ابالك
: ـ وأنتِ تتوقعين أهتم!
باوعت بعينه بخيبة امل من كلامه شكد تمنيت اكله اريدك تهتم اريدك ترجع توكف وياي تنصحني مثل قبل حتى لو تصيح عليه هم قابله بس لا تعاملني بهيج جفاء
: ـ ليش هيج صاير قاسي ؟
خله جكاره بين شفايفه ودخنها نفث الدخان وكال:
: ـ بالعكس جنت قبل قاسي وتصرفت بأنانيه اتجاهتج هسه اريدج تاخذين راحتج مااريد اوكف بطريق سعادتج واصير حجر عثره.
: ـ بس ليروح بالك لبعيد أنتَ لا صاير حجر عثره ولا وأكف بوجهه سعادتي.
:ـ تدرين احلى شي بهذا الموضوع شنو
: ـ شنو؟
: ـ هذا الموضوع مايجي بالقوه ولايجي بالماده،، مشاعر تنولد لا إرادياً بداخل الانسان ويصير يمشي ؏ هوا هذه المشاعر،،
: ـ بس اني ماعندي شي وياه بيش تريد احلفلك
: ـ واضح من النظرات قبل شوي
: ـ ترا موبقصد
هز راسه عدت مرات وكال : ـ زين واني شريد هذا الي اريده ...
