مساء الخير 🥀
طبعاً هواي احداث بحياة ميار بس لأن انتم ماتفاعلتو وي قصتها ماذكرتها، طول القصه أني احجي عنها مشفت تعليق واحد يخصها هيه وايهم لذالك فكرت مو مهم تعرفون عنها.
الجزء هذا راح احچي عن حياة ميار اكثر شيء وفناء وعقاب حياتهم مستقر بس راح نذكر احداث ويوميات حياتهم بطريقنه تمام ؟
بنات التفاعل ضروري وي القصه لأن جاي اتعب عليها ياريت تقدرن تعبي … وبس احبنكم 🌿❤
كل الحب الكم قرأه ممتعه 💕
# عقاب
الكـاتــبه مـــلاك ،
- كل شيء كان جاهز، الجواب والإعتراف، والتَّشبيهات ونبرة الصَّوت، مواضع السُّكوت، وايماءات اليد واختلاق التَّفكير، كان عليك فقط أن تسأل.
ـــــــــــــــــــــــــــــــــــــــــــــــــــــــــــــــــــــــــــــــــ
: ـ ماما هواي تأخرت عـ دوامي ...
:ـ الف مره گتلج اگعدي من وقت اخوج يطلع من وقت
ميار: ـ هو شعنده هيج مستجعل
اخذت جنطتي والابكوت من ايد امي چانت تكوي بيه ونظرت لنفسي نظره اخيره بالمرايه المعلگه عـ الجدار وطلعت واني اشمر بوسه لأمي بالهوا،
ركضت
طلعت من البيت لگيت اخويه فتحت الباب وصعدت وهو يستغفر وينفخ بالهوا لأن اتأخرت عليه
: ـ تره اتأخرت ع دوامي شوفيلج خط بعد انه دوامي قبلج يبلش
ميار: ـ شسالفه يخوي دومك مصعب الأمور
: ـ والله ممصعب شي بس اطلعي ؏وكت وكلشي ينحل
ميار: ـ ان شاءلله يصير خير،،
وصلني للمستشفى وكمل طريقه دخلت للبصمه بصمت وطلعت للغرفه مال الممرضات غيرت ملابسي وضميت جنطتي وطلعت جان بدايه دوام والمستشفى مزدحم هواي مرضى ستلمت شغلي بالطوارئ كله شغل شغل لود موطبيعي صارت الساعه عشره شردت اريد ارتاح
گاعده بالحديقه وحدي جنت مركزه بموبايلي فززني صوت يم راسي رفعت راسي شفت واحد من زملائي وياي بالعمل ولد مرتب وكبير بالعمر عابر، العشرين سنه
سلم رديت السلام عليه
: ـ ممكن اگعد احجي وياج اذا مابيها احراج لحظرتج؟
ميار: ـ اتفضل استريح،
گعد ؏جهه وحيل مستحي ومرتبك متررد بالكلام تشجع وحجه:
: ـ ست ميار يمكن متفاجأه من طلبي هذا اكيد؟
: ـ ميار ليش ازهر قابل جاي للبيت أنتَ احنه زملاء وبنفس الروته نشتغل ليش مستغربه من طلبك بالگعده وياي...
ازهر: ـ بس لأن يعني اجيت وطلبت اگعد وياج وانتِ وحدج ؏ العموم ماأريد الف ادور أريد احچي مباشر ميار طبعاً اني اعرف شنو صار وياج سابقاً ماكو شخص ميفشل بحياته كلنه فشلنه ورجعنه وگفنه من جديد ...
