عقاب

مشهد ـ من الجزء الثاني

نزلنه من سيارت عمي نائل اني وبيبي وعمتي وجدي والباقي هم نزلو اباب المحكمه،، شوي واجت سيارت الشرطه، نزلو أيــهم منها مخلين الكلبجات بأيده ولازميه الشرطه من الجهتين عيونه صارت ؏ أمه وابنه أول مانزل ركضت امه عليه وتبجي وتصيح شبكته وصارت تبجي وتدعي بصوت عالي وهو همين حضن راسها وضل يبوس بيها وبعدها وخرت من حضنه واجه اسد يمه يصيح بابا بابا دنك كعد من مستواه وعبر ايده ورى ضهره وشاله لصدره وحضنه حضنه قويه وضل يبوس بيه بكل مكان واسد شابك ايده ؏ رگبت ابوه وساكت ضلن عماتي يبجن وحتى جدي ضل يبجي وياهن

عمامي اجو شجعوه بالكلام ...ضربه نائل ؏ ضهره خفيف وحاجاه بصوت مشجع،

نائل: ـ لتخاف كل شي نسوي في سبيل برأتك

أيــهم: ـ عمي اذا نحكمت اسد امانه عدكم

عقاب: ـ ماكو هيج حجي ماتنحكم

ضرغام: ـ أنتَ بريء وراح تطلع منها اكيد

اجه جدي يمه وهمين حجه وياه وصار يوصي بيه ويشجعه وهو دنك ؏ ايد جدي وباسهه

وأني هنا جيب الي يسكتني صارت دموعي نهر رفع راسه صارت عيني بعينه بسرعه انهزم بنظراته عني اخذوه ودخل للقاعه الكل دخل وراه واني بقيت برا گعدت ؏ المصطبه الي بالحديقه وانشغ اجت سرى گعدت يمي ماحسيت عليها... لمن خلت ايدها ؏ ضهري تمسح عليه وحچت

: ـ حبيبتي ميار كولي يالله شبيج...

: ـ ولج احس گلبي يوجعني سرى

مدت ايدها عليه وندارت وجهي عليها بتشكك سألتني سؤال ماجان ؏ البال ...

: ـ تحبيـه؟؟

صارت عيني بعينها وعيوني متروسه دموع بصوت مكسور جاوبتها ...