عقاب
الكاتــبه مـــلاك،
أول ما تلاگينه جديدة الدنيا بعيوني
ــــــــــــــــــــــــــــــــــــــــــــــــــــــــــــــ
فاطمه: ـ مـ ماأدري ماما ماادري
: ـ شنو ولج ماتدرين چاشلون اجو
: ـ ماما هو ناوي يخطبني والله …
احجي والخوف لازمني وامي عيونها نار عليه
طلعت شوي ورجعت گالت:
: ـ غيري ملابسج وطلعي بسرعه اشوف التاليه وين
: ـ ماما بعد شتريدون غير اجه وتقدملي شنو الحجه بعد
: ـ ولج عرمه أني بكيفي غير وراي زلمه ابوج هو الي يقرر مو أني
: ـ ماما بس أنـ
: ـ كافي لتبسبسين وطلعي وراي
قاطعتني واني بعدني ممكمله كلامي …
راحت واني فتت بدلت وخليت شوي فونديشن لحتى يخفي السواد الصاير جوه عيوني رشيت عطر وطلعت لكيتهن كاعدات وأمي مقدمه الهن عصير اول مافتت كامن ويهلا بيه وصديقتي حيل فرحت من شافتني بوستني وهمست بأذني
: ـ هاي شصاير بيج
هزيت راسي الها وصارت دمعه بطرف عيني بس مانزلت كعدت ؏ جهه وهن ضلن يسولفن،، دخلت بالموضوع ام أحمد بدون لف ودوران وامي مانطتهم كلمه كالتلهم لمن يجي ابوها القرار قراره
أستأذنن وطلعن
فاطمه: ـ ماما أنتِ الج تأثير ؏ رحيم هواي ياريت هالمره توكفين وياي اترجاج
: ـ شنو ولج رحيم اخوج الصغير؟؟
: ـ شتردين خلص بابااا رحيم هيج ارتاح گلبج
عفتها ودخلت لغرفتي أملي الوحيد بعد بقى بس احمد اذا تزوجنه ارجع اكمل دراسلتي ليش اضيع مستقبلي صح بعدني صغيره مو وكت زواج بس بعد مابيدي حل ثاني …
...........
بعد كل المحاولات وي أيــهم والتعب كلشي راح وأيــهم خلص يأس من طلعته من السجن مر وقت طويل عليه وعمامي ماخلو شي ماسوه والولد الي يشهد لصالحه خلاص اختفه عمامي فقدو الامل بطلعته من السجن جدي حالته تدهورت بعد أيــهم ونضرب ذبحه صدريه ودخل انعاش فترة وحالنه صار ميسر عدو أم أيــهم تعبانه من بعده وصارت مشاكل بينها وبين زوجته فاتن
سرى : ـ حبيبتي يعني تبقين هشكل أنتِ الولد ترا رايدج انطي فرصه لنفسج مو كلها سويه ترا
ميار: ـ مااعرف احس الوقت مو مناسب ؏ هيج سالفة…
سرى: ـ وليش مو وقتها؟
