عروس رغما عنها

اقتباس الخاتمة ♥️

-حامل ....حامل !!!
صرخت مهرا وهي تنظر لإختبار الحمل بفزع ...عقد آدم حاجبيه بحيرة وقال :
-ايوة حامل يا حبيبتي ..مصدومة ليه ؟!ما أنتِ متجوزاني ....
أغمضت عينيها بغضب ونظرت إليه صارخة:
-ادم نجمة لسه عندها سنة ونص وانا حامل انت عارف المصيبة اللي أنا فيها ....ياربي اعمل ايه ...اعمل ايه ؟!!
شدها ادم إليه وهو يعانقها قائلا:
-بس بس يا حبيبتي مكبرة الموضوع ليه ده رزق من ربنا وبعدين فيها ايه يعني ستات كتيرة بتخلف ورا بعض ....
دفعته صارخة:
-طبعا يا حبيبي انا هنشغل بالعيال وانت هتروح تتجوز عليا عشان اهملتك صح ...أنا عارفة الاسطوانة الحمضانة دي ليلي قالتلي عليها...
-ليلي دي محتاجة علقة مني عشان تتهد شوية ...
قالها ادم بضيق ثم نظر إلي مهرا وقال وهو يربت علي شعرها :
-يا حبيبتي ...يا روحي أنا مش عايز غيرك أنتِ...مفيش ست هتقدر تملي قلبي زيك ..
-طيب احلف انك مش هتتجوز عليا ..
قالتها وهي تزم شفتيها ليلزم الصمت قليلا فتصرخ هي :
-شوفت اهو بتفكر ...يبقي ناوي تعملها كلكم مصطفي ابو حجر ...
ثم انصرفت من أمامه ليضحك قائلا:
-بنت يا مهرا استني ...جيبتي من فين مصطفي ابو حجر دي ...كلامك الكتير مع ليلي بوظك
.........
-حامل !
شهقت كارما بقوة وهي تضع كفها علي فمها بينما دموعها تنحدر من عينيها ..كانت لا تصدق بعد كل تلك الشهور العصيبة التي عاشتها وهي تحاول أن تنجب فتفشل اخيرا أعطاها الله مرادها ...استجاب لدعائها...ارتفع نشيجها وانفجرت بالبكاء وهي تغطي وجهها ..ابتسم سامر من بين الدموع التي تملأ عينيه ونظر للطبيب وقال:
-دكتور ...انت بتتكلم بجد ... مراتي حامل ...
ابتسم الطبيب وهز رأسه .ليجذب سامر كف كارما من وجهها ثم يقبل كفها قائلا:
-مش قولتلك ربنا كريم يا حبيبتي ...ربنا اهو استجاب لينا وهنخلف ...
ضحكت كارما من بين دموعها وهي تهز رأسها وقد طغت السعادة علي وجهها رغم الدموع التي تلطخ وجنتيها ..
.. ........
-أنا ...أنا جوعت تاني ورايحة آكل !
قالتها ليلي بتوتر بالغ وهي تنهض لتركض خارج الغرفة ولكنها شهقت عندما شعرت بذراعين  قويتين. تجذبانها نحو صدر رحب دافئ . ..حاولت التحرر وهي ترتجف ليضحك مروان بلطف وهو يهمس في اذنها :
-متخافيش مش هعمل حاجة ...عايز بس افضل حاضنك كده...عايزة اصدق انك بقيتي ملكي يا ليلي ....أنتِ كنتي بالنسبالي حلم ...حلم جميل واتحقق...
...........
-انا حاسس انكم بتخدعوني !
قالها أنس وهو يرفع حاجبه الأيمن بينما ينظر إلي مرام وملك ...
نظر أنس إلي أوراقه بدون رضا وأكمل :
-دي رابع مرة أنا ألبس فيها الشايب ...يعني مش.معقول حظي يكون وحش للدرجادي ...
أخفت ملك ابتسامتها بجهد بينما قالت مرام وهي تهز كتفها:
-ده حسب ضميرك يا حبيبي ...انت لو سالك مكنتش هتلبس الشايب أربع مرات
...........
-مبسوطة يا حياة .
قالها الطبيب النفسي وهو ينظر إلي حياة التي تمسك كف زوجها بينما ابتسامة سعيدة تزين شفتيها ....نظرت حياة الي أحمد وقالت:
-مظنش كنت سعيدة في حياتي قد دلوقتي يا دكتور ...
..........
-لو مش عايزانا نروح الفرح مفيش مشكلة ..
قالها علي وهو يقف خلف ميار التي تعدل من وضع النقاب الخاص بها ...ابتسمت ميار من تحت النقاب وقالت:
-لا يا حبيبي انا بس خايفة من التوتر اللي ممكن يحصل خصوصا انك كنت خاطب ورد قبل كده !
تنهد علي وقال:
-مظنش ورد حاليا بقت بتفكر فيا اصلا ...اكيد مبسوطة انها هتتجوز...وانا كمان مبسوط أنها قدرت تتجاوز اللي حصل ولقت اللي يستاهلها.
اقتباسات من الخاتمة ...الخاتمة بإذن الله بكرة♥️♥️♥️استنوني بكرة بإذن الله مع خاتمة روايتنا ♥️