Unicode:
တစ်ခါကလင်မယားနှစ်ယောက်ရှိခဲ့တယ်။
ယောကျ်ားကအိမ်ပြန်လာတဲ့အချိန်မှာ အရက်တွေအများကြီးသောက်လာခဲ့ပြီးတော့ ပစ္စည်းတွေကိုရှုပ်ပွအောင်လုပ်ခဲ့တဲ့အတွက် သူ့မိန်းမနဲ့စကားများခဲ့ကြတယ်။
တစ်နေ့မှာMarkက အိမ်မှာနိုးလာခဲ့ပြီးတော့ အလွန်အရက်နာကျနေခဲ့တယ်။
သူကအားယူလိုက်ပြီးသူ့မျက်လုံးတွေကိုဖွင့်လိုက်တော့ သူပထမဆုံးတွေ့လိုက်ရတာက သူ့ရှေ့မှာရေတစ်ခွက်နဲ့သူ့အတွက်aspirins(ခေါင်းကိုက်ပျောက်ဆေး)တွေကို အိပ်ယာဘေးက စားပွဲပေါ်မှာတွေ့လိုက်ရတယ်။
သူကဆေးသောက်ပြီးနောက် အိပ်ယာပေါ်မှာခပ်မတ်မတ်ထိုင်လိုက်ပြီးတော့ သူမြင်လိုက်ရတာက သူ့ရဲ့အဝတ်အစားတွေက မီးပူတိုက်ထားပြီးသန့်ရှင်းသပ်ရပ်စွာစားပွဲပေါ်မှာရှိနေခဲ့တယ်။
သူကအဲ့ဒါကိုမြင်တော့ အရမ်းအံ့သြသွားခဲ့တယ်။
ထပ်ပြီးတော့ သူလှည့်ပတ်ကြည့်လိုက်တော့ အနားမှာရှိတဲ့အရာအားလုံးက သူ့အတွက်အစီအစဥ်တကျဖြစ်ပြီးတော့သန့်ရှင်းသပ်ရပ်နေတာကို တွေ့လိုက်ရတယ်။
စားပွဲပေါ်မှာ noteစာရွက်လေးတစ်ခု ရှိနေတာကို သူတွေ့ခဲ့တယ်။
"အချစ်ရေ...မနက်စာပြင်ထားခဲ့တယ်နော်။ကျွန်မကအလုပ်မှာကိစ္စလေးရှိလို့ စောစောသွားနှင့်ပြီ။ချစ်တယ်~" လို့noteစာရွက်ပေါ်မှာ သူ့မိန်းမကရေးထားခဲ့တယ်။
noteစာရွက်ကိုဖတ်ပြီးနောက် Markကမီးဖိုခန်းထဲသွားခဲ့တယ်။
သူ့ရဲ့မနက်စာဘေးမှာ နံနက်ခင်းသတင်းစာတစ်စောင်ရှိနေတာကိုသူတွေ့လိုက်ရတယ်။
သူ့သားကလဲထမင်းစား စားပွဲမှာထိုင်ပြီးမနက်စာစားနေတာကိုတွေ့လိုက်တယ်။
မနေ့ညကဘာတွေဖြစ်ခဲ့လဲဆိုတာကို သူကသိချင်စိတ်ပြင်းပြနေခဲ့ပြီးတော့ သူ့သားကိုမေးလိုက်တယ်။"သားရေ မနေ့ညကဘာတွေဖြစ်ခဲ့တာလဲ?"
"အဖေမနေ့ညကအိမ်ကို မနက်3နာရီမှပြန်ရောက်လာခဲ့တယ်။အဖေကအရက်မူးလာပြီးတော့ ထိန်းချုပ်မှုကင်းမဲ့နေခဲ့တယ်။အဖေတစ်ချို့ပရိဘောဂပစ္စည်းတွေကိုဖျက်စီးခဲ့ပြီးတော့ လမ်းမှာအန်ပြီး တံခါးကိုတောင်မှဝင်တိုက်မိခဲ့သေးတယ်။" လို့သူ့သားကပြန်ဖြေခဲ့တယ်။
YOU ARE READING
Funny Short Stories Collection
Short StoryThis is not mine. All credit to the original author. All photos are taken from pinterest. *Hope u enjoy*
