Translation of Pearl In The Palm.
ဖဝါးထက်က ပုလဲသွယ် (၁၀) (က)
Translator - Jinnie Grace
________
ယဲ့လီကျူးနိုးလာတော့ သူမပျင်းတိပျင်းရွဲ့နှင့် မျက်လုံးဖွင့်လိုက်ကာ ဆိုလိုက်သည်။ “လက်ဖက်ရည်”
သူမအသံကို အပြင်ဖက်က အစေခံလေးကကြားတော့ ယုရှားလည်း ခပ်သွက်သွက်ပင် လက်ဖက်ရည်ယူကာ အခန်းထဲရောက်လာခဲ့သည်။ “သခင်မလေး”
ယဲ့လီကျူးအဝတ်အစားတွေက လျော့ရဲနေပြီး အိပ်ရာထခါစမို့ ဆံပင်လေးတွေက ရှုပ်ပွနေသည်။ သူမက အခုထိအိပ်ချင်မူးတူးလေသံနှင့် “ဘယ်နှနာရီရှိသွားပြီလဲ”
ယုရှားက ဖြေသည်။ “သခင်မလေးအိပ်နေတာ တစ်နာရီခွဲလောက်တော့ရှိပြီ”
ယဲ့လီကျူးက ယုရှားကို ကြည့်ရင်း လက်ဖက်ရည်တစ်ငုံသောက်ကာ ပြောလိုက်သည်။
“ကျာ့ယိုတောင် ကျောင်းက ပြန်ရောက်တော့မှာပဲ”
သူမ အိပ်ရာထပြီးနောက်ခေါင်းကိုဖြီးသင်သည်။ ယုရှားက အပြင်ကအသံကိုကြားတော့ ပြတင်းပေါက်ကို ဖွင့်ကြည့်ကာ သူမကို ပြန်ပြောပြသည်။
“သခင်မလေး။ ဝူသခင်မက လာတွေ့နေတယ်”
ယဲ့လီကျူးက မတ်တတ်ထရပ်လိုက်သည်။ “သခင်မက ဒီရောက်နေတာလား”
ယုရှားက ပြန်ဖြေ၏။ “ဒီမနက်က ဝူသခင်မက သခင်မလေးဖို့ဆိုပြီး မုန့်နှစ်မျိုးလောက် ပို့လိုက်သေးတယ်။ အဲ့မုန့်တွေက ရင်ပြည့်စေတဲ့မုန့်တွေဆိုတော့ သခင်မလေး အဆင်မပြေဖြစ်လိမ့်မယ်လို့ မားမားလီကပြောတယ်။ အဲဒါကြောင့် နူးဘီလည်း သခင်မလေးကို မုန့်အကြောင်း မပြောတော့တာ”
ယဲ့လီကျူးကခေါင်းညိတ်လိုက်သည်။ “ဟုတ်ပြီ”
သူမတို့နှစ်ယောက်စကားပြောနေတုန်း အပြင်က အစေခံမလေးက ထပ်ပြောလာပြန်သည်။
“သခင်မလေး....ဝူသခင်မရောက်နေပါတယ်”
ယဲ့လီကျူးအပြင်သို့ ထွက်ကာကြည့်လိုက်တော့ အရောင်ရင့်ရင့် ဝတ်စုံဝတ်ထားသည့် သက်လတ်ပိုင်းအရွယ် မိန်းမတစ်ယောက်ကို တွေ့လိုက်ရသည်။
![](https://img.wattpad.com/cover/343534132-288-k44837.jpg)
YOU ARE READING
ဖဝါးထက်က ပုလဲသွယ်
Romanceဖဝါးထက်က ပုလဲသွယ် ယဲ့လီကျူးက အသား၏ကောင်းခြင်းနှင့် ပြည့်စုံသော ဖြူဖျော့နူးညံ့သည့် အလှလေး။ သူမ သီးချိန်တန်သီး ပွင့်ချိန်တန်ပွင့်ရမဲ့အချိန်ရောက်သည်အထိ မည်သူတစ်ဦးတစ်ယောက်ကမှ လာရောက် မကြောင်းလမ်းရဲကြ။ လူတိုင်းသိထားကြသည်က ယဲ့လီကျူးသည် နှစ်လှမ်းလောက် လျှေ...