قضبان من نيران

بارت الثالث

للكاتبة: زهراء الموسوي.

ما شلتوا الگمر وياي
وما غنيتوا للسچه البعيدة وياي
بديت اكره منايركم ولا احبّكم
غريبة بعيني اساميكم
وعمرّي الراح مذبوح بجناسيكم.

__________________________

شعلة ... هالغزالة يستاهلهة لامير عبد الله
وتعنيت الة بيهة.

مروة ... وين طحتي بيهة يشعلة ولج هاي
تسبي عشيرة.

شعلة ... ولو عنيدة ولسان ومافتهم شتهطل بس
نادبهة ونمشيهة على دينة.

مروة ... وهذن لوراج.

شعلة ... هم للامير خلة يتخير بينهن احلا بنات
لكطتلة.

مروة ... عفية عليج.

اشوفها كامت نزعت سنجيل من ركبتهة
ذهب وانطتة للمرة لجابتنه ونوب بقت تصيح
لوحدة.

مروة ... هالزنجيل قليل بحقج ورا ما يتخير
لامير عبد الله نسوانة راح يجرمج بجثر من
هيج وينج عائشة عائشة.

عائشة ... امرج شيخة.

مروة ... اخذي لبنات لحجرة وقفلي عليهن
وخلي وحدة من لجواري تجيب ام مرزوق
تكشف عليهن وتنظفهن.

اجت لبنية اخذتنه لغرفة جانت نظيفة بقيت
كاعدة وابجي مافتهم شي من حجيهن ومنا
بالي يم خواتي.

_______________

فاطمة ... يمة فدوة اروحلك انتبه على نفسك
وطمني كلساع لا تلوع گلبي.

غيث ... صار يمة ولا تحسبون ترا ابنكم سبع
وخاف ما تحصلوني ترا لخطوط منقطعة مناك.

فاطمة ... يحرسك علي ابن ابي طالب يمة
تروح وترد بالسلامة امنتك عند ام الحسن
ريت اشوفك سالم يبعد عمري.

بستهة ورحت طلعت لفجر شايل جنطي على
ظهري ولابس بدلتي العسكرية لامن مالتي
بالباب متانيني سلمت وركبت ورحنة للمركز
ومناك طلعنه بسيارات لجيش وصلنه لاطراف
لفلوجة جانت سالمة اكو مكان اتخذنا مركز
ونشرنة قواتنة لامنية بي وكمت اسحب
لمعلومات لاجتني واتبع اخبار لفلوجة ومركزهة
وارسم خطة احتياطية امن بيهة على حياة
لوياي ولموجودين بالمنطقة جانت لامور ماشية
مثل ما اريد گاعد بمكتبي وصافن اندگ الباب
ودخل جندي من جنودي سمحتلة يتفضل اجه
كعد كبالي وكال.

يعقوب ... سيدي وصلتنه اخبارية اكو نساء
واطفال محتجزينهم وجاي يتاجرون بيهن
وهم لدواعش كدرو يعبرون لحي لجولان.

غيث ... شوف يعقوب اريد منك تكثف
لحراسة لان اكيد هسة علمو بوجودنة
واريد دزلي على العقيد حازم.

يعقوب ... امرك سيدي.

دك لتحية ونصرف ماطول واجه لعقيد حازم
دك لباب وفات دك لتحية وكفت سلمت علي
واشرتلة يتفضل كتلة.