قضبان من نيران

بارات العشرون

للكاتبة: زهراء الموسوي.

يجوز أكدر
اعدل نومي المخربط
أنفاسي شيعَدلها ؟
اريد استوعب شصاير
انه لهسه مصدوم
وقرارتي غلط كلها !
اتواجه ردت ويّ نفسي
حتى اعرف
القوه البيه صدگيه ؟
لو كاعد امثلها
هاي المرحله الما ردت اوصلها ..

___________________________

لمى ... ما تكابلين رجلج.

نارين ... نايم.

رجعت اشتغل كملت رحت اخذت لملابس
لوصخة وكعدت بالحمام اغسلهن وانشفهن
وصعدت فوك شريتهن ورجعت للظهر هوا
كعد وية لاذان راح صلة وهم بدون مايحجي
وياي ولا كلمة حته مايباوعلي سكتت عنه
صبينة غدة واجو لولد وهوا حاكرني وكعد
بت حسن بيناتنه اكلت كوة وهوا بس طابگ
حواجبة ويحجي وية اخوانة كملنة وشلنة
لسفرة وكعدو يشربون جاي كالت امة.

فاطمة ... غيث بعد مرتك ماطلعها.

غيث ... اصلا بدون ماتكولين بعد نحرمت
من لطلعة.

منيرة ... ليش نوب تنحبس بالبيت.

فاطمة ... شني لحد امس خابرلي يخطبنهة
طاحت وذرة من لساني يابة متزوجة ولكم
مرت ابني شني طلعناها شوي بتلينه على
عمرنة كلساع وسيرن علي نسوان يتخطبنهة
لو يسالن على خواتهة لعبت رواحنة.

اشوف غيث ساكت وطابگ حواجبة لحد
ما كالت زهراء.

زهراء ... اكلج نارين حارث شراد منج.

حجت هيج وغيث بسع رفع شوفة وعيونة
نطن وشرايين كصته برزن بسع وكال.

غيث ... ويين شافهة حارث.

زهراء ... غير صعدت ويا بالسيارة ونوب من
رجعت لكيتهم بالمطبخ يسولفون ونطته
كلاصهة مال لماي ونوب كثرن جياته النة
كلساع وسير على بيتنه.

حجت هالحجي وغيث طفر واعصابة تلفت.

غيث ... شللللوووون تصعدددييين ويااا
شكتتتلج مووو روحي وية منييررة لجج
منيييرررة شلون تهدينههه وحدهة هالس...
الكلب ابن لكلب شحججهه ويااج.

حيل خفت وصرت ورا مريم وجمال رئسا
كام ودفعه لان يريد يجرني من ورا مريم.

جمال ... شبيك تسودنت شعدهة ويا.

غيث ... منننيييرة شموصييج انااا.

منيرة ... خوية تيهتهة وهواي اكو نسوان
ماصعدت وحدهة وعلي من شفتهة ماهديتهة
لحد ماردينة للبيت.