للكاتبة: زهراء الموسوي.
رجعت أتذگِر العشرة
واعضهُم بالسَرة العشَرة
أجَت مِنك رسَالة ، وگلت خل أقرة
الكلام شوية ،بَس چان الحچي شگبرة .
___________________________
غيث ... وعيونج اجيبهن بس لا تبجين جاي
تكطعين كلبي.
بقه يسكتني ورجع لمني لحضة ونومني
وكانو يسكت ويهدئ بطفلة غفيت وكعدت
لصبح هوا ماهو كمت بدلت وطلعت يم لبنات
بس مالي خلگ وكالبة وجهي وهنة هم من
شافني ماتحاجة سكتن عني نظفت ورجعت
لغرفتي مشة ليوم طبيعي ثاني يوم كاعدة
انظف بالخضرة وماشوف الة لولد دخلو مستعجلين
وجوهم مايكصها لسيف طفرن لبنات يردن
يعرفن شبيهم بسع صاحو لامهم وهية نخبصت
وبس تسالهم محد يجاوب وكلولهة تلبس
بسع اخذها حسن وجمال راد يطلع راحت ورا
مريم تريد تعرف شصاير ودخلت تبجي.
زهراء … ولج شكو احجي شصاير ليش
هيج مخبوصين وين خذو امي.
مريم … خالي عادل متكهرب وميت وخذو
امي فاطمة لان كلهة بالمستشفى.
سمعت زهراء وكلبت لدنيا كامت تبجي وصرخ
حزن على خالهة نوب لبنات كابلنهة ويبجن
حيل نقهرت كامن ينظفن بسع علمود يرحن
للفاتحة وهم خاف يجون خطار ولبسن لسواد
انا وقتهة ماعندي اسود رحت لبست صاية
خليجية سودة ولفيت لشال وهم بدن عمات
ونسوان عمامهم يجونة ومنا يطلعون للفاتحة
مريم وسناء وهناء وزهراء راحن وياهن وانا
ولمى بقيت بالبيت اجه كمال كال.
كمال … نظفن لديوان بسع راح يجون جماعة
لولد وحظرن جايجن بسع بسع.
رحت نظفت لديوانية وبخرتهة وسديت
لباب اجو جماعة لولد ولمى تصب جاي
وترد ليورة هواي من معارفهم اجو وطلعو
للفاتحة من عدنة بقينة نسولف انا ولمى.
نارين … خطية عائلتة ربي يصبرهم.
لمى … اي والله ولو هوا عندة بنية وحدة.
نارين … ليش زوجتة وين.
لمى … منفصل عنهة ومتزوجة وهوا خطية
ذب حيلة على بنته لوحيدة الله يعين كلبها
شلون راح تتحمل فراكة وهية بعدهي صغيرة.
نارين … جكد عمرها.
لمى … بال20 اتوقع.
بقينة نحجي للظهر اجه غيث دخل للغرفة
طلع دشداشته السودة ولبسهة وصاح على
لمى.
غيث … جيبيلي جفية حسن السودة.
راحت جابتهة وانا مسحت شحاطتة (تكرمون)
اخذ اغراضة وطلع وقبل لا يروح كللنة.
YOU ARE READING
قضبان من نيران
言情قصة واقعية تتحدث عن جزء من عذاب لبنت الكردية بنص الدواعش وانقاذهة من قبل احد القوات العراقية
