قضبان من نيران

بارت الحادي عشر

للكاتبة: زهراء الموسوي.

شسويلكِ بعد وعيونكِ أمليها
انه سويتِ حتىٰ الما مسويها
وَ الله لخاطرك قررتِ آحب أشياءِ
عشت طول عِمري مامقتنعُ بيها .

___________________________

غيث بصريخ وعصبية … يييمممة جممم مرا كايلللججج لاااا تصررفيينن بكييففج شنوو
ارووح واررجععع الكاااج خاطبتلي من كيففج
لجج كليليي منووو لزلمهه هنااا انااا لو انتتت
وتردين تمشيني بكيفج.

جمال … على كيفك غيث امك تريد مصلحتك.

فاطمة بجي … يمة علمودك والله اريد افرح
بيك وانت من نهد ما طلگت ماقابل بوحدة
كلت اخذلك بت خالك خوش بنية ونعرفها
ونعرف اخلاقها.

غيث … اذا اضل بعد صدكيني راح احجي
حجاية ماتعجبج فراح اروح ولااا تلوموني
من ما الفي للبيت وسالفه لخطوبة خل واحد
يفتحة كدامي ويشوف عمرة شلون يصير.

كامو يصيحولي رحت للغرفة اجت امي
وراي اخذت سويجي وجوزلاني وجهازي
وجاي اطلع وامي تقنع بية خليت ورحت
افتر ونوب رحت للشقة شفت لحرس برا
سلمت وكتلهم يرحون يرتاحون ورحت
فتحت لباب ودخلت عفت لغراض عالطاولة
ماهي ستغربت سمعت صوت لدوش جاي
تسبح رحت غيرت ملابسي لان تارك بالبيت
تراك لبسته وتمددت بالصالة واكلب بالجهاز
ولون تطلع من لحمام بس سبحان لخالقها
خلتني فاك حلگي عليهة طلعت لافة لخاولي
على جسمهة ولخاولي كلش قصير يادوب
مغطي خلفيتهة واحد على شعرها ضليت فاتح
حلكي على جمالهة وبياضهة هية ستحت رئسا
راحت للغرفة بدي اهجم عليهة بدي اكلهة
اويلي مو بنية مصيبة رحت بسع للحمام
لان راح اطگ.

__________________

جنت بالبداية خايفة منة عدالي مثل
لدواعش وخاصة من سلمني الهم كرهتة
حيل نوب من رحعوني وكال يتزوجني
رفضت لان ماريد ادمر اكثر ماريد اتزوج
وخواتي ماعرف حالهن وين وخاصة هوا
عصبي وبس يصرخ ويخوزر من يشوفني
ومن تزوجني اخذني لشقة جانت صغيرة
بس مرتبة وهوا صبغها ومهتم بادق لتفاصيل
يرتب بالشقة ويتسوگ واني مبتعدة ماريد
شي بس اريد خواتي يرجعلي هوا جان
يجيبلي حته ملابس وخاصة نصدمت باخر
شي جابهن لمن ما طمني وكال مو هوا
لختارهن وجابلي معلمة وطلب اتعلم وافقت
لان انا كلش محتاجة اتعلم لغة لعربية وجنت
اركز اريد اتعلم بسع واكدر افهم حجيهم
فمن راح كضيتهة دراسة وكلساع اطلع
بالتلفزيون واسمع كلامهم واحاول افهمة
شوي شوي كمت اتعلم لحد ما كلت لازم
اسبح احس نفسي مهملة رحت طبيت
وفركت نفسي كلش زين وشفت جايب
تنظيفات جسم زلغت جسمي انا احب
لعناية وتنظيم فهتميت بنظافة كملت
نشفت نفسي ولفيت لخاولي دام محد
اروح ابدل بالغرفة اول ماطلعت نصدمت
بي موجود ونضراته اكلتني حيل خجلت
ورحت للغرفة ابدل فتحت لكنتور طلعت
دشداشة جانت شوي قصيرة وردانهة
نص لبستهة وكفت امشط تعبت كلش
طويل تذكرت بابا مجان يقبل اكصه
يكلي خلي طويل جنج اميرة دمعت
عيني اووف حيل مشتاقتلة كمت امشط
وصاح علي رحتلة لازمة لمشط عينة
مشاها على طولي ورجع ركز لشعري
كام يمسح بشاربة وكال بسع فهمتة.