قضبان من نيران

بارت السادس والعشرون

للكاتبة: زهراء الموسوي

صدگنيّ
مايمشنَ عليَ ومبينةَ چانت
غايتَك  ..
وَتريد تمشيّ ومستحيَ
وعينك مچَلبة بساعتِك
ما راحَ اكضِ ايدِك بعد
لا راحَ ادفعَك وأبتسَم
وأشمُر وَراك حجارتِك،
ولتَغار مالك حَق عليّ
هسه انه صّرت مو مالِتك .

___________________________

جاي احجي ودخل غيث ولجكارة بحلكة لزمهة
بين صابيعة ونفخ لدخان وكال:

غيث … خوية خلونة وحدنة.

جمال … غييث بطل خبال عن لبت وكلولنة
شبيكم.

غيث … اريد احجي وياهاا عووفونننه.

بقه يزمخ على اخو وجمال نفعل مريم تحاول
تهدي بجمال.

مريم … ابو علي خلهم يتفاهمون ويحلون
مشاكلهن وحدهم.

سحبته وطلعته وسدت لباب هوا تقرب صوبي
كنبص لمستواي وعيونة كلهن شرارة سحب
نفس من لجگارة وزفرة بوجهي كمت اكح
مختنكة ماحس الة سد حلكي وخلة الجكارة
بزندي شاغت روحي احس روحي طلعت من
لجوية كمت افرفح وهوا يرص على سنونة
ويحجي بغضب.

غيث … تردين تطلكيين موو ماترديينييي
امبين عاجبج ل.... تردينة تردين تخلصين
مني خاطر دورين على هالكو... لو تردين
تكضين لشارع للرايح ولجاي يلعب بيج
مثل لك.... يا بت..... وحگ لاسمة علي الة
اندمج واخليج تركعين جوا رجلي ودورين
رضاي يا زمالة.

كام مني ورفسني قوي حسيت روحي عاجزة
جسمي كام يرجف تعبت بقيت متمددة بالكاع
واناشق زندي من اثر لجمرة بقت تحرك بكلبي
هوا طلع من عندي وبقيت صافنة على فراغ
وعيوني يجرني ماكدرت اتحرك مالي طاقة
غفيت بمكاني لحد ثاني يوم على نفس مكاني
كمت متكسرة كوة وكفت رحت صوب لمراية
اباوع لحالي لتعب واثار لضرب لبوجهي وشعري
منفوش باوعت لزندي لاثر ملتهب طاحت دموعي
دخلت علي مريم شافتني رحت بسع لحضنهة
شبكتهة وعيوني يجرن اثر قساوتة الي وهية
تمسد على راسي ومقهورة علي.

مريم … ليش هيج سويتو شصار وياكم وصلتو
لهل مواصيل جنتو شحلاتكم وعيونكم تضحك
للثاني.

نارين … تعبت منة مريم اذاني وايدة ولضرب
وياي مايفتهم شي.

مريم … كافي يعمري كطعتي كلبي ربي يهدي
سركم وتعالي وياي سبحي على ما احضرلج
ريوگ.

راحت طلعتلي ملابس واخذتني للحمام
طبيت اسبح ولماي من ينزل على مكان لجوية
انلجم وعيوني يصبن خلصت سبح نشفت وبدلت
ولفيت لخاولي على شعري طلعت من لحمام
لغرفتي اجت مريم شايلة صينية سالكتلي بيض
وكعدت كبالي.