مياسين ( قيد التعديل )

الفصل الثاني

كانت مياسين منشغله بوضع هاتفها في حقيبتها لتمسك الايس كريم بشكل صحيح و لاكن لا تعلم من أين صدمها شخص و هو يتحدث مع صديقه ليقع قليل من علبه الايس كريم علي قميصه الأبيض و وقعت العلبه باكملها علي الارض .

نظرت مياسين لعبه الايس كريم التي علي الارض بغضب لأنها لم تتذوق منها بعد ثم رفعت نظرها لهذا الشاب الذي صدمها و صرخت به " انت يا بني آدم مش تفتح قدامك انت اعمي بقا و لا ايه؟"

مازن" I'm so sorry......مكنش اصدي اخبطك و الله"

مياسين " I'm ايه يا عنيا انت هتعملي فيها من بلاد بره لا أقف معوج و اتكلم عدل انت واحد اعمي علشان تمشي تخبط في امه لا إله إلا الله و توقع الايس كريم علي الارض مش مهم علي قميصك في داهيه و بعد كده تقولي سوري ! اصرفها منين دي "

كان آدم يهمس الي رزان في اذنها " يلا يا بت يا رورو فرصتك جت لحد عندك اهي امتحان عملي علي الي علمتهولك شرشحلها شكلها بت تنحه و تستهال كل خير "

رزان " اشحشحلها ...انت تفتكر كده؟"

نظر لها آدم بصدمه علي قولها لهذه الكلمه " اشحشحلها!!! يا خريبتك هتجلطيني اسمها اشرشحلها يا خساره تعلمي فيكي معرفتش اربي"

رزان " خلاص خلاص اتفرج علي تلميذتك النجيبه "

_امسكت رزان يد مازن و ابعدته من أمام مياسين و وقفت هي مكانه " جرا ايه يا بت انتي محدش ملي عينك و لا ايه و علي رأي المثل ضربني و بكاني و سبقني و اشتكاني "

_ كان آدم ينظر لها بفخر و لاكن نظر لها بتشنج و هو يسمعها تقول المثل " اسكتييي اسكتي خالص يا ريتك ما فتحتي بوقك اسمها يا بنت الهبله ضربني و بكاء سبقني و اشتكي "

رزان" Exactly (بالظبط) هي دي الي قصدي عليها sorry يا استاذ كانت طويله اوي في القاموس معرفتش احفظها "

امسك مازن آدم من اذنه و هو يهمس له " I promise you (انا اوعدك ) ان اول ما نمشي لزعلك علي انت بتقولوا لي رزان يا آدم الكلب "

كانت تنظر لهم مياسين في صدمه و غضب حتي صرخت فيهم جميعا " هو في ايه انتوا كلكوا هاربه منكوا كده اتولي حد كبير اي ده مش لاعب يا عم  "

آدم " ما خلصنا يا بت مكنتش يعني علبه آيس كريم بعشره جنيه هتصيحي عليها كده يا عم  عوض انتي ...منك لله يا شيخه يبقي انا علي اخر الزمن ازعق لانثه بدل ما اعلقها "

مياسين" بت ! انت ازاي تقولي بت ده انا هخلي يومك اسود يلا و بعدين تعلق مين يا عيل يا مراهق انت .."

قاطها انس و هو يبعدها " هو احنا أكياس جوافه مش عجبينك و لا ايه مش فاهم بس؟"

اكمل ياسين علي كلامه " بتردي ليه و تصغرينا مع الأشكال الزباله و الشرشوحه دي "

امسكه آدم من بتلات هدومه و هو يصرخ به" احنا أشكال زباله و شرشوحه يا معفن انت ده انا انضف من وشك ده "