مياسين ( قيد التعديل )

الفصل السابع

ثم انتبه الجميع لرزان و هي تنزل من علي الدرج و هي تقول " خلصت "

ياسين " نعم يا ختيي"

مياسين و هي تصفر " جااامده و الله "

مازن " بس يا بت و انتي يا رزان ادخلي غيري الي انتي لبساه ده "

رزان بتعجب " في ايه يا مازن ما انا طول عمري بلبس كده يعني "

كاد مازن ان يتحدث و لاكن سبقه ياسين بغضب " بس انتي دلوقتي مش قاعده عند رشاد لوحدك في لندن انتي قاعده مع رجاله في البيت و بعدين انتي المفروض مراتي كده و كده يعني و مفروض اننا من دوله عربيه عاملين اننا مش مسلمين ماشي بس انا بردو مرداش اخلي مراتي تنزل بالجيبه القصيره اوي دي حتي لو كانت كريستينا جرجس نابليون ايه همشي اقولهم بوصوا علي المزه مراتي ادخلي غيري الي انتي لبساه ده لو سمحتي "

سيلا بسخريه "و ايه لزمتها لو سمحتي بقا "

نظر لها ياسين بغضب ليهمس آدم في اذنها " اسكتي علشان ممكن ياسين يزعلك و لو زعلك انا هزعله و انا بصراحه مش قده و قد العضلات الي بتنط من دراعه دي فا لمي دورك بقا يا مهلبيه " قال آخر كلامه بابتسامه لتنظر له و هي تهمس  له " دي المره المليون اقولك متقوليش يا مهلبيه دي و لم نفسك بقا بعيد عني بد ما اقول لياسين "

غمز لها آدم بمشاغبه و هو يقول " خليها عليكي و تبقي مليون و واحد ...يا مهلبيه "

مياسين و هي تقف بينهم " ما تسكتوا شويه بقا يا دي النيلة عليا و علي الخلفوني "

بينما ضمت رزان يدها الي صدرها و هي تقول " ياسين Watch your language و بعدين انا محدش يحكم عليا "

ياسين بسخريه " كلميني عربي وحيات عمو ميمون "

مازن و آدم بحده " نعم يا حبيبتي "

رزان بتوتر " Not you يا باشا "

مازن بجديه " رزان ياسين بيتكلم صح ال skirt الي انتي لبساها قصيره اوي غيريها يلا من غير نقاش تاني علشان هتزعلي مني و الله "

حركت رزان رأسها بحسناً بدون نقاش أخيها و ذهبت الي غرفتها وهي ترسم ملامح الحزن و الغضب علي وجهها و لاكن بالداخل كانت تقول " بيغير بيغير بيغير ياسو بيغير عليااا " ثم نزلت مره اخري و هي ترتدي تنوره اخري و لاكن كانت هذه تحت ركبتها بكثير " كده حلو يعني "

ياسين بهيام " و النعمه قمر "

انتهز آدم الفرصه بسرعه و ضرب ياسين علي رقبته و هو يقول " بس يا حبيبي ...واحده بوحده يا معلم "

ياسين " و النعمه لولا اننا متأخرين لكنت قطعتلك ايدك دي "

آدم و هو يركض للخارج متجهاً الي السياره " يا عم اسكت بسرعه بقا علشان بقالي كتير مشوفتش مزز إيطاليا "

سيلا و هي تخرج أيضا من المنزل " مترباش و الله العظيم بربع جنيه "

ثم خرجت ورائها  رزان و معها ياسين قائله " سيلا استني عاوزه اقعد قدام و النبي و النبي "