مياسين ( قيد التعديل )

الفصل السادس

قاطع كلامهم رن جرس المنزل ليذهب مازن لينظر من الطارق و حين علم من هو سحبه بسرعه الي داخل المنزل و اقفل الباب بسرعه و قال "  ايه الي جابك هنا يا عيسييي "

عيسي بغمزه " قولت لزمه اجي أرحب بيك في إيطاليا بنفسي يا سياده النقيب "

مازن " انت غبي و لا بتستعبط افترض حد شافك يابني "

عيسي بثقه " لا متخافش مش عيسي ماركوس  الي يتأفش ده انا قاعد بين ولاد الغبيه دول اكتر من ١٤ سنه و محسوش بحاجه خالص "

مازن " انبر فيها بقا لحد ما يأفشونا كلنا "

ضحك عيسي ثم اطلق العناء لعينه ليجد ولدان و ثلاث فتيات يجلسون علي اريكه وراء مازن ليقول عيسي " دول الي مفروض معانا في المهمه صح "

مازن " ايوه هما "

عيسي " طب مش تعرفنا يا مازن "

نظر مازن للجميع و هو يشير علي عيسي " ده يبقي الملازم عيسي بقاله في إيطاليا اكتر من عشر سنين و بيتجسس علي جاك و ولاده و بيبعت المعلومات عندنا في مصر "

ثم نظر الي عيسي و قال و هو يشير علي كل واحد من سيلا و مياسين و رزان و آدم و ياسين " ياسين الي هو  ريتشارد اخو  سيلا  الي هي ماري و بنت خالتهم مياسين  و ده آدم انت  عارفه الي هو جيمس  و رزان اختي الي هي ساندرا  "

عيسي بسخريه" انت طالع رحله عائليه و لا ايه "

مازن " و الله معرف يا اخي قولت  لعُمر  باشا اني عاوز اعمل العمليه لوحدي قالي لا لازمه يبقوا معايا "

قالت مياسين بغضب موجه لعيسي " و مش عجبين سياتك ليه منشبهش و لا منشبهش "

عيسي بضحك علي طريقتها  " العفو يا انسه مراسيل مش قصدي "

آدم " غلط في اسمها ..البس "

ياسين " سلم علي الشهداء الي معاك بقا ..بهزر هي هتردح بس "

مياسين بوجه غاضب " قولت ايه يا عنيا !! "

عيسي " بت اتكلمي معايا عدل "

مياسين " بت ما بتك ايه مراسيل دي انت هتعمل زي ناس كده كانت بتقول مراسين اسمي مياسين يا ناس يالي متعلمتش عربي بربع جنيه "

ضحكت سيلا و هي تنظر لمازن " بتلقح عليك يا كابتن "

مازن " ما انا اخدت بالي بردو .. خلاص يا مياسين معلش حصل خير حقك عليا "

لم تتكلم مياسين مره اخري لتقف رزان بجانبها و هي تهمس لها بسخريه " ايه يا حجازي فين مياسين الي فرجت علي مازن أمة لا إله إلا الله علشان نطق اسمها غلط دلوقتي قالك حقك عليا  راحت القطه قاطعه لسانك الي عاوز يتقص ده"

نظرت لها مياسين بسخريه و همست لها أيضا " طب لمي نفسك كده و ارجعي اقفي مكانك تاني يا رزان يا حبيبت اخوكي انتي علشان مطلعش لساني الي قطعته القطه و الي عاوز يتقص ده عليكي و يبرضك ..غوري يا بت من جمبي "