مياسين ( قيد التعديل )

الفصل الرابع

اتي شروق اليوم التالي و معه اشعه الشمس التي تنير داخل هذه البيوت و بداخل احد هذه البيوت كانت تلبس مياسين اسدالها و تصلي و تدعي ربها ان تمر هذه المهمه علي خير .

انتهت من صلاتها لتخرج من الغرفه تحضر الإفطار بمرح و سعاده كعدتها و حين انتهت ذهبت الي غرفه اختها قمر و هي تقول " قمر ..قمر اصحي يلا انا عملتكوا فطار و لا فطار الشيف الشربيني اصحي يلا"

قمر و هي تستيقظ من نومها " ايه ده ايه النشاط الي نزل عليكي مره واحده كده " ثم نظرت قمر الي هاتفها و اكملت حديثها بمزاح " لا و كمان عامله فطار من الساعه 9 يعني اكيد صاحيه من قبليها دي علامات الساعه و لا ايه "

تركتها مياسين و تخرج خارج الغرفه و تقول لها " ايه يا بت السكر ده انشأ الله عنك ما فطرتي اتخمدي تاني "

ذهبت مياسين تيقظ والديها ثم جلسوا يتناولون الإفطار جميعا بينما تحدثت يارا والدة مياسين " بس غريبه يعني يا ميا انك تصحي بدري اوي كده "

ثم اكمل يوسف والد مياسين علي كلام زوجته و خو يضحك بخفه " لا و كمان عامله فطار و مروقه الشقه حاجه آخر استغراب يعني "

مياسين " ده انتوا بيت ميعجبهوش العجب افضل نايمه لحد العصر تدايقوا اصحي بدري تدايقوا بردو انا غلطانه "

يارا " يا ستي كتر خيرك صاحيه بقا بدري ليه بردو "

مياسين بتوتر و حزن اخفته فاهي لم تتعود ان تخفي شئ علي والدتها " اصل عندنا اجتماع شغل في بيت البشمهندس فوزي صاحب خالو و هيكون انا و ولاد خالو و خالو و واحد كمان شريكه في الشغل "

يوسف " و ليه تعملوه في البيت ما تخلوه في الشركه عادي "

شعرت مياسين بتوتر قليله " مهو ..مهو قالوا تغير بدل الشركه و كمان علشان البشمهندس فوزي حابب يعزمنا علي الغدا فا قال نخلي الاجتماع عنده في البيت و بعد ما نخلص الاجتماع نتغدا "

يارا " ماشي انتي نازله امتي ؟"

وقفت مياسين و هي تذهب ناحيه غرفتها " اهو هقوم البس علشان ياسين هيعدي ياخدني بالعربيه هو و سيلا علشان خالو سبق علي هناك الاول "

دخلت مياسين و بدلت ملابسها حتي اتاها اتصال من ياسين " ايه يا بت يا ميا خلصتي لبس "

مياسين " خلصت انت تحت ؟"

ياسين " اه انزلي بقا و سلميلي علي خالتو و عمو يوسف "

مياسين " انشاء الله اقفل بقا و بطل رغي "

ياسين و هو يغلق الخط " غوري يا بت "

خرجت مياسين من غرفتها و ودعت والديها ثم نزلت الي ياسين و سيلا و صعدت في الخلف و تحرك ياسين ناحيه منزل فوزي بينما كانت تتحدث سيلا و مياسين في أمور عشوائيه حتي يصلوا .
____________________________________