||ئەشقی نەبینراو||

chapter 2

‎

هەمیشە لەلام ببووە پرسیار کە ئەو کچەی بەیانیان لەسەر کورسییەکەی من دادەنیشێ شکڵی چۆنە ؟ لە دەرس و مەشقەکانیدا باشە یا نە ؟ مووەکانی بۆرە یا ڕەش ؟ ڕەنگی چاوەکانی چی ؟ هێمن و لەسەرخۆیە یا بزێو و شڵەژاوە؟  هیچ نیشانەو ئاسەوارێکی لەخۆی بەجێ نەدەهێشت

مێزەکەی ئێمە دوو نەفەری بوو ، ئەو دیوەی کەمن لێی دادەنیشتم بەپێچەوانەی دیوەکەی تر هیچ خەت و نووسینێکی بەسەرەوە نەبو

‎دوو هەفتە بەسەر ڕۆشتنمان بۆ قوتابخانە تازەکە تێپەڕی

ڕۆژێ کە وەک ڕۆژەکانیتر ویستم کتێبەکانم بخەمە ژێر مێزەکەوە دەستم بەر شتێ کەوت ، ئەو ڕۆمانەبوو کە نزیکەی هەفتەیە ماڵەوەم بۆی ژێروو ژوور کرد هێندە بۆی گەڕام

تومەس پێشتر لێرە بەجێم هێشتووە وەختێ کردمەوە پارچە کاغەزێ خرابووە تۆیەوە کە بە دەست و خەتێکی کچانە تێیدا نووسرابوو

"هەفتەیە لەوەوپێش ئەم ڕۆمانەت لەژێر مێزەکە بەجێ هێشتبوو  چەن
  پەڕەیەکەم لێ خوێندەوە و خۆم پێنەگیراو بەردەوام بووم تاکۆتایی خوێندمەوە بمبەخشە کە بێ ویستی خۆت ئەمکارەم  كرد"

‎بە پەلەپڕوزکێ کتێبەکەم کردەوەو نزیکم کردەوە لە دەمو چاوم بۆنێکی کچانە لە دوتوێی پەڕەکاندا بەجێ مابوو ، ئێستە لە نێوان ئەو هەموو فکرو خەیاڵە

من سێ شتی ئەو کچەم لێ مەعلووم بووبوو کە لەسەر کورسییەکەم دادەنیشت دەست و خەتی ، بۆنی عەترەکەی ، ئەوەی کە حەزی لە وێژەیە ، ئەهلی داستان بوو لەکاتێکدا نەیئەزانی خۆی لە فکرو هۆشی مندا
داستانێکی پڕ وشەیە

‎ئەم باسە وەختێ دڵگیرتربوو کە هەر بەو دەست و خەتە کچانەوە لەپەڕەی کۆتایی ڕۆمانەکەدا ئەو نیوە بەیتەی بۆ نووسیبووم کە خۆم نیوەی یەکەمم نووسیبوو و نیوەکەی تری دەمێک بوو لەیادم نەمابوو لەوڕۆژە بەدووا هەموو شتێ ڕەنگ و ڕوویەکی تری وەرگرت لەپێش چاوم

‎حەزی ڕۆشتن بۆ قوتابخانە چەن هێندە بوو لەلام ، هەرکە ئەگەشتمە قوتابخانە خێرا ژێر مێزەکەم دەپشکنی ،دۆخەکە بەردەوامی هەبوو

هەرجارەو کتێبێکمان بۆیەک بەجێ ئەهێشت هەرکات کتێبێکی بۆ جێ
بهێشتمایە لە سەرەتای کتێبەکە شیعرێکی نیما یوشیجی بۆ ئەنووسیم

.

.