شەو تا بەیانی ئۆقرەم لەبەر بڕابوو
بیرم لەوە ئەکردەوە کە بەیانی ئەو پرسیارە دەبینی چی دەکا ، چۆن قاقا لێئەداو سەما ئەکا، ئەو ڕوخسارو دیمەنەی کە تائێستای نەمدیبوو لە خەیاڵی خۆمدا بەرجەستەئەکرد، بەیانی نیوەڕۆکەی وەختێ ڕۆشتمە پۆلەوە،
بینیم پارچە کاغەزێکی جێهێشتووە و لە مەتنێکی دوورو درێژدا بەقوربان و ساقەم بووە، و لەکۆتایی پەڕەکەدا وێنەیەکی کێشاوە کە کیژۆڵەیەک لەسەر پەنجەی پێ وەستاوە و چاوەکانی داخستووە و ماچی کوڕە لاوێک ئەکا کە لێوی کردۆتە غونچەو داچەمیوەتەوە بۆ کچەکە،
بەدیتنی ئەو هەموو مهیرو موحیبەتە قەند لەدڵما توایەوە و چاوەکانم بەزۆر هەڵئەهێنا ، بەڵام بەچی ئەچوو وەختێ ئەو ئاگاداری ئەم حاڵە نەبوو
ئیتر تا کۆتایی هەفتەی تاقیکردنەوەکان کارم ئەوەبوو لە پاش زەنگی کۆتایی بە ئەسپایی ئەچووم پەڕەیەکم لە پرسیارەکانی ناو سەبەتەکە دەرەهێناو دەمخستە ژێر مێزەکەوە ، تا بەیانی وشەی تازە و بەقوربان و بەساقەی تازەم بۆ بنووسێ و، دیسان وێنەی ماچ کردنەکەم بۆ بکێشێتەوە، لەپاش تێپەڕبوونی ئەو چەن ڕۆژە ، و بیستنی ئەو وشانەی کە هەمیشە دڵی لێئەسەندم، ئیتر ئارامم نەمابوو
دڵم ئەیویست لەنزیکەوە بیبینم ،دڵم ئەیویست گوێم لەدەنگی بێ ، دڵم ئەیویست بەناوی خۆیەوە بانگی بکەم، هەموو شیعرەکانی نیما کە لە سەرەتای کتێبکەناوە ئەینووسی لە پەرتوکێکی بچوکدا نووسیبوومەوە
هەموو شەوێ ئەمخوێنەدەوە
دڵم ئەیویست دەستی بگرم و پێکەوە پیاسە بکەین وەختێ لە نیگای چاوەکانیدا ڕۆئەچووم و سێبەری هەردووکمان لەپێشمانەوە ڕێیان ئەکرد،
دڵم ئەیویست هەموو شیعرەکانی نیمام بۆ بخوێنێتەوە ، دڵم ئەیویست بزانێ بە درێژایی ئەم ماوەیە لە چ حاڵێکدا بووم ...
بڕیارمدا و نامەیەکم بۆنووسی کە هەموو قسەکانی دڵمی بەسەرەوەبوو
.
.
YOU ARE READING
||ئەشقی نەبینراو||
Actionباش ئەمزانی ئەویش دەرگیری هەمان ئەو هەستە نەزانراوانەیە كە هەمە ئەمزانی چون وەختێ گوڵەسەرە نارجییەکەی جێهێشت ئیتر هیچ سۆراغی لئ نەگرت
