وانەی کۆتایی بوو خەریکبووم بۆجاری هەزارەم نامەکەم ئەخوێندەوە کە لەناکاو بەڕێوەبەری قوتابخانەکەمان خۆی کرد بەژووردا،نەختێ لەبارەی تاقیکردنەوەکانەوە قسەی کردو پاش کەمێ بێدەنگی وتی : وای بە حاڵتان گەر بزانم کەسێ نیازی قۆپیەکردنی هەیە ، چاومان لەسەرتانەو لێتان بێ ئاگانین ، هەر ئەمڕۆ لە دەوامەکەیتر کچێ بەخاتری دزینی پرسیارەکان و بڵاوکردنەوەی لەنێو قوتابییەکاندا لە قوتابخانە دەریان کردووە و ناردوویانەتە قوتابخانەیەکیتر
بڕیار وایە تاقیکردنەوەکانیشیان دووبارە بکرێتەوەبە بیستنی ئەو قسانە تەزێک بەلەشماهات و خاوبوومەوە بەسەر مێزەکەدا
ئیتر گوێم لە قسەکانی تری بەڕێوەبەرەکەمان نەبوو نەمەزانی چ خاکێ کەم بەسەردا ، دەرکردن ؟
ئەتوت دونیا ڕووخاوە بەسەرما ، تەواوی ئەو ماوەیە بەپێش چاوما ئەهات و ئەچوو ، چاوم بڕیبووە نامەکەو بوغزێ گەروومی گردبوو وختبوو خەفەی ئەکردم ،
هەرچۆنبوو نامەکەم خستە توێی ئەو دەفتەرەی شیعرەکانی نیمام تێدانووسیبوو خۆم کۆکردەوە و بەبیانووی دڵ ئێشە ڕوخسەتم لە بەڕێوەبەر خواست و نەویم لە جانتاکەم و ڕۆشتمە دەرەوە لە پاش چەن هەفتەیە بەهەزار داماوی ناونیشانی ماڵیانم دۆزیەوە
بەڵام درەنگی کردبوو ، بەهۆی ڕووشانی ئابڕوویانەوە باریان کردبوو ، بۆکوێ ؟ کەس نەیزانی ،
سەرگەردان بووم ، سەرگەردان و پەرێشان
تا ماوەیەکی زۆر هەرکچێ تەماشای بکردمایه وامئەزانی ئەوە ، بەڵام نەخێر ، هیچ خەبەرێکی نەبوو ، من مامەوە لەگەڵ هەستێکی هەڵپڕوسکاو ...
.
.
YOU ARE READING
||ئەشقی نەبینراو||
Actionباش ئەمزانی ئەویش دەرگیری هەمان ئەو هەستە نەزانراوانەیە كە هەمە ئەمزانی چون وەختێ گوڵەسەرە نارجییەکەی جێهێشت ئیتر هیچ سۆراغی لئ نەگرت