دوێنێ دایکم کارتۆنێ پەرتووک و کتێبی کۆنی هێنا وتی
: چاوێکیان پێدا بخشێنە ، بزانە گەر بەکەڵکت نایە با فڕێیاندەم ،
کتێب و پەرتووکەکانی سەرەتاکانی ناوەندی بوو ، هەریەکێکیانم بەدەستەوە ئەگرد یادگاریەک لە زەینمدا زیندوو ئەبوویەوە ، پاش تەماشاکردن و هەڵدانەوەی پەڕەکان چاوم کەوت بەو پەرتووکەی کە شیعرەکانی نیمام تێدانووسیبوو ، باری یادگارییەکان هێندەی تر قورس بوو لەسەر دڵم، وەک بڵێی شتێکم لێ ونبووبێ هەستم بە بۆشاییەک ئەکرد لەونێوەندەدا،
دەفتەرەکەم کردووە ئەو نامەیەم بینی کە پاش چواردە ساڵ جورئەتی خوێندنەوەیم نەبوو ، بێ ئۆقرەیی و شڵەژانی ئەو وەختە بە دەست و خەتە شێواوەکەمەوە دیاربوو ، چاوم بڕیبووە دێڕی یەکەمی نامەکەو زەنگی تەلەفۆنەکەمان لێیدا،
بەڕێوەبەری چاپخانەکەبوو،
لە پاش سڵاو و ئەحواڵ پرسی وتی : لەکۆتاییا نەتوت ناوی ئەو کۆمەڵە چیرۆکەی کە نووسیوتە چیە ؟ خۆ ناکرێ کتێب بێ ناوبێ ...!
منیش هەر چاوم لەسەر دێڕەکەبوو ، بەڕێوەبەرەکە پرسیارەکەی دووبارە کردەوە و من لە دێڕی یەکەمی نامەکەدا ڕۆچووبووم،
لە نێوان بزەیەکی تاڵ و هەناسەیەکی سارددا ئاوی دەمم قووتداو پێموت : "هەندێ شت هەیە کە نایزانی"
وەڵاممدایەوە و تەلەفۆنەکەم داخستەوە ، هەر پەڕەیەکەم لە پەرتووکەکە هەڵدەدایەوە ڕستەی یەکەمی نامەکەم لەبەرخۆمەوە ئەوتەوە ، هەندێ شت هەیە کە نایزانی
هیچکات نایانزانی ...
YOU ARE READING
||ئەشقی نەبینراو||
Actionباش ئەمزانی ئەویش دەرگیری هەمان ئەو هەستە نەزانراوانەیە كە هەمە ئەمزانی چون وەختێ گوڵەسەرە نارجییەکەی جێهێشت ئیتر هیچ سۆراغی لئ نەگرت
