"အားကျန့်... အားကျန့်.. မင်းအဲ့လို fighting skill မျိုး ဘယ်က သင်လာတာလဲ"
ရှောင်ရှင်းချန်က ရှောင်းကျန့်ကို အလွတ်ပေးမည့်ပုံ မပေါ်ပဲ နောက်က တကောက်ကောက်လိုက်မေးနေသည်..။
" မိတ်ဆွေတယောက်ပါ.. သူနဲ့တနှစ်လောက် အတူနေခဲ့တုန်းက သင်ထားတာ.. ခင်ဗျားမသိလောက်ပါဘူး"
သူ ကိုယ်ခံပညာ သင်ယူနေစဥ်က အကြောင်းတွေကို ပြန်မတွေးချင်..။ သူဆုံးရှုံးခဲ့ရတဲ့ လူတွေ အကြောင်းကို ပြန်မတွေးချင်..။
"လုပ်စမ်းပါ.. ဒီနယ်မှာ ငါမသိတဲ့လူ ရှားတယ်နော်"
"ဟုတ်ပါပြီ.. စုန့်လန်တဲ့ .. သိလား"
ပြောရင်း အရင်အချိန်တွေကို ပြန်သတိရသွားသည်..။ နွေးထွေးသော အခန်းထဲမှာ စုန့်လန်က စာတွေစစ်နေရင်း သူ၀င်လာလျှင် မော့ကြည့်ကာ ပြုံးပြလေ့ရှိသည့် နေ့ရက်များ...။
တခန်းလုံး ငြိမ်ကျသွားသည် ...။
"စုန့်လန်.. မင်း စုန့်လန်လို့ ပြောလိုက်တာလား"
ရှောင်ရှင်းချန်က ချက်ချင်း သူ့နားရောက်လာသည်..။
"မင်း စုန့်လန်နဲ့ တနှစ် အတူနေခဲ့တာလား"
"အင်း.. ဘာဖြစ်လို့လဲ"
ရှောင်ရှင်းချန်က ရှောင်းကျန့်ကို ပြေးဖက်သည်..။ ဖက်ထားသည်မှာ အရိုးများ ကျိုးလုမတတ်..။
"သူ့အကြောင်း ငါ့ကို ပြောပြပါလားဟင်"
ရှောင်ရှင်းချန် မျက်လုံးများထဲမှ အံ့သြ၀မ်းသာမှုက နက်နက်ရှိုင်းရှိုင်း..။ သူ့ကို ဒီလိုပုံစံမျိုး ရှောင်းကျန့် တခါမှ မမြင်ဖူး..။
"ကျွန်တော် အသက်ဆယ့်သုံးနှစ်တုန်းက သူနဲ့တွေ့ခဲ့တာ.. ကျွန်တော် နည်းနည်း__ ဒုက္ခရောက်နေတဲ့ အချိန်ပေါ့.. သူက ကျွန်တော့်ကို သကြားလုံးကျွေးတယ်.. ပြီးတော့ ကျွန်တော်တို့ မိတ်ဆွေတွေ ဖြစ်သွားကြတာပဲ"
ထိုစဥ်က သူ မသိပဲ လမ်းသူရဲဂိုဏ်း ပိုင်နက်က ဖြတ်သွားမိသည်..။ လမ်းသူရဲ အချို့က သူ့ကို မြင်သွားသည်..။ သူတို့ပြောတာတော့ သူတို့တရားမ၀င်လုပ်နေတာတွေကို ရှောင်းကျန့်မြင်သွားသည်တဲ့..။ ဘုရားစူး.. သူ ဘာမှကို မမြင်တာ..။ သို့ရာတွင် သူတို့က ရှောင်းကျန့်ကို ဖမ်းသွားပြီး အေးစက်မှောင်မိုက်နေသော မြေအောက်ခန်းထဲ ထည့်ပိတ်ထားသည်..။
YOU ARE READING
ရောင်စဥ်
Fanfiction၀မ်ရိပေါ် .. ဂိုဏ်းခေါင်းဆောင်တဦး ချင်းမုလုံ.. အငြိုးကြီးတဲ့ ဆောင့်ကြွားကြွားကောင် ရှောင်းကျန့်.. ချင်းမုလုံရဲ့ စွပ်စွဲချက်ကြောင့် ဂိုဏ်းမှာ သန့်ရှင်းရေးလာလုပ်နေရတဲ့ သနားစရာ လူငယ်လေး.. စောင်သူဌေးတွေအားလုံး ငရဲကိုဒိုးသင့်တယ်