A/N : ဒီလိုနေ့ကြီး update ထပေးတာ တမျိုးမထင်ပါနဲ့.. စာရေးစာဖတ်မှ မလုပ်ရင် ရူးသွားတော့မယ်လို့ ထင်တာရယ်.. ကိုယ့်လို FB က စိတ်ဆင်းရဲစရာတွေကြားက ပုန်းရှောင်ပြီး Wattpad မှာ ဂူလာအောင်းတဲ့ ဘ၀တူတွေအတွက်ရယ်ပါ.. ကလစ်ကာတွေ ဒါလေးဖတ်ပြီး သွားကလစ်ကြဦးနော်.. ချစ်တယ်..😘
***
ပတ်၀န်းကျင်က ခေတ္တ ငြိမ်သက်အေးခဲသွားသည်..။ ရှောင်းကျန့် ရှောင်ရှင်းချန်ကို မော့ကြည့်လိုက်သည်..။ သူ ဘယ်ကနေဘယ်လို ဆက်စပ်မိသွားလဲတော့ မသိ..။ အငြင်းစကားက ရှောင်းကျန့်နှုတ်ဖျားမှ ထွက်ကျတော့မည့်ဆဲဆဲတွင် ရှောင်ရှင်းချန်က တောင်းပန်တိုးလျှိုးသံဖြင့် ပြောသည်..။
" မင်း ဘာပဲပြောပြော ငါယုံပေးမှာပါ.. ဒါပေမယ့် ငါ့ကို မလိမ်ပါနဲ့ ကျေးဇူးပြုပြီး.. "
ရှောင်းကျန့်လိမ်ပြောမည် ကြံထားသမျှ လေထဲသို့ လွင့်ပါးပျောက်ကွယ်သွားသည်..။ သူ ရှောင်ရှင်းချန်ကို မလိမ်နိုင်တော့..။ မလိမ်ရက်တော့..။
" ဘယ်လိုလုပ် သိတာလဲ"
အဖြေမဟုတ်သော အဖြေ..။ ၀န်ခံခြင်းမဟုတ်သော ၀န်ခံခြင်း..။ ရှောင်ရှင်းချန်က သူ့ကို ခေတ္တမျှ စိုက်ကြည့်ပြီး သူ့အရိုးများကျိုးလုမတတ် ဆွဲဖက် ဖျစ်ညှစ်ထားသည်..။
" Oh my God! တကယ်ပဲ.. တကယ်မင်းပဲကိုး... ငါအစောကြီးကတည်းက သိရမှာ.. မင်းမျက်နှာက မင်းအမေနဲ့ တော်တော်ဆင်တာ"
"ရှောင်.. ရှင်း... ချန်... ဘယ်လိုလုပ် သိတာလဲ ပြောပါဦး"
ရှောင်းကျန့် အသက်ကို မနည်းရှူရသည်..။ သူဖုံးကွယ်လာတာ နှစ်ချီနေပြီ..။ ရှောင်ရှင်းချန် ဘယ်လိုလုပ် သိသွားပါလိမ့်..။
"မင်းငယ်ငယ်တုန်းက ချန်ဇဲက ရေခဲမုန့် ၀ယ်ကျွေးမယ်ဆိုပြီး ငါ့ဆီခေါ်လာတာလေ.. အဲ့တုန်းက ချန်ဇဲငါ့ကို ပြောင်ခေါ်တာကို မင်းကြားပြီး ဦးဦးလို့ ခေါ်ခိုင်းလို့မရဘူး.. ဆရာလေးလို့ပဲ လိုက်ခေါ်တာ.. ချန်ဇဲကကျ မင်းကို __"
"__ထုထု လို့ခေါ်တာ"
ငယ်ငယ်က အကြောင်းတွေကို ရှောင်းကျန့် အများကြီး မမှတ်မိတော့သော်လည်း သူ့အဖေ ချစ်စနိုးခေါ်သည့် နာမည်ကိုတော့ တသက်လုံး မမေ့နိုင်..။ ရှောင်ရှင်းချန်က သူ့ကို ဖက်ထားရာမှ လွှတ်လိုက်သည်..။
YOU ARE READING
ရောင်စဥ်
Fanfiction၀မ်ရိပေါ် .. ဂိုဏ်းခေါင်းဆောင်တဦး ချင်းမုလုံ.. အငြိုးကြီးတဲ့ ဆောင့်ကြွားကြွားကောင် ရှောင်းကျန့်.. ချင်းမုလုံရဲ့ စွပ်စွဲချက်ကြောင့် ဂိုဏ်းမှာ သန့်ရှင်းရေးလာလုပ်နေရတဲ့ သနားစရာ လူငယ်လေး.. စောင်သူဌေးတွေအားလုံး ငရဲကိုဒိုးသင့်တယ်
