Episode 8
"ហិហិ!ស្រទន់ណាស់"
រាងតូចបានញញឹមញញែមម្នាក់ឯងរមៀលខ្លួនពេញពូក ពេលនឹកឃើញរឿងកាលពីយប់ គេបានថើបគ្នាជាមួយរាងក្រាស់
"មុខខ្ញុំដូចជាក្ដៅ?"
"ខ្ញុំឆ្កួតមិនខានទេ ហិហិ!"
កំពុងតែសប្បាយចិត្តក៏មានអ្នកចុចកណ្ដឹងនៅមុខបន្ទប់
ជីនបានក្រោកទៅបើកទ្វារចង់ដឹងថាជាអ្នកណា ពេលបើកទៅគេមានការភ្ញាក់ផ្អើល និងសប្បាយចិត្តណាស់
"បងស្រី"
"បងចូលក្នុងសិនមក"
"បងមកស្ងាត់ៗមិនឲ្យដំណឹងសោះ"
ជីនបានយកវ៉ាលីពីដៃបងស្រីយកមកទុកនៅសាឡុងសិន
ពួកគេក៏បាននិយាយជាមួយគ្នា នាងបានមើលជុំវិញបន្ទប់ថាការរៀបចំវាយ៉ាងម៉េចដែរ
"បងហត់ណាស់ធ្វើដំណើរមកច្រើនម៉ោងហើយ "
នាងបានទម្រេតខ្លួនលើសាឡុងព្រោះភាពនឿយហត់
"អរ!ចឹងបងសម្រាកក្នុងទៅ ខ្ញុំទៅរៀបចំខោអាវឲ្យបងសិន"
"ឈប់!ទុកឲ្យបងរៀបចំខ្លួនឯងបានហើយ ឯងទៅចម្អិនម្ហូបឲ្យបងទៅ ពេលនេះបងឃ្លាន ក៏ចង់ភ្លក្សស្នាដៃឯងព្រោះខានយូរហើយ"
"អរ!ចឹងក៏បាន"
"បងចង់ញុាំអី?"
"មានអីធ្វើនឹងទៅ"
"បាទ"
ជីនបានចូលទៅចម្អិនម្ហូបឲ្យបងស្រីរបស់គេ គេពិតជាសប្បាយចិត្តដែលបងស្រីមកលេងគេ
ព្រោះការងារគាត់រវល់សឹងគ្មានពេលសម្រាកទេ បានគាត់មកបែបនេះត្រេកអរណាស់
_______
"អឹម!ឯងនៅតែធ្វើឆ្ងាញ់ដូចដើម"
"យ៉ាងម៉េចនឹង?"
"ខ្ញុំមានរឿងចង់ប្រាប់បង"
"និយាយមក"
នាងញុាំបណ្ដើរស្ដាប់ប្អូននិយាយបណ្ដើរ
"ខ្ញុំបានទាក់ទងនិងគេហើយ"ជីននិយាយទាំងញញឹុម
"ម្នាក់ខ្ញុំប្រាប់បងនោះ ពួកយើងបានធ្វើសង្សារនិងគ្នាហើយ"
"ពួកឯងចាប់ផ្ដើមទាក់ទងគ្នាយប់មិញមែនទេ?"
"ម៉េចក៏បងដឹង?"
