سبيل الغيب

الحلقه 2

#رواية سبيل-الغيب

" الحلقة الثانيه "

ضرغام ـ السلام عليكم عمي نجم موجود .

سهى ـ وعليكم السلام لا والله ما موجود

- شوكت يرجع .

ـ موجود بيته الثاني .

ـ تمام بس بلغي معزوم على الغده باجر لن هو وأبوي تازعلوا ميجاوب على التلفون لهذا دزني أعزمه على الغده ، كوليله ضرغام أجه عليك .

ـ ماشي أبلغه .

ـ يله مع السلامة .

سهى ـ الله وياك ، فتحت الباب شوي وشفته مشه ناحية سيارته وصعد بيها وباوع ومُباشرةً سديت الباب بس گلبي يريد يطلع من صدري ، فزيت على صوت سرى .

سرى ـ منــو دك الباب .

سهى ـ هاا هذا أبن عمو قيس اجه يعزم أبوي على الغده وگتله ما موجود گال بلغي .

سرى ـ من يكول أبوي يروح .

ـ ليش ميروح هما أصدقاء .

ـ مو قصة أصدقاء بس ملتهي ويه خاله أميره زعلانه

ـ منو گال زعلانه شمدريج .

ـ ليش ما تدرين متعارك هو وياها وطاردها وزعلانه

ـ لا ما ادري منج سمعت وأنتِ منين عرفتي .

ـ سمعت أمي وعمتي سهيله يحجون بينهم .

ـ خير أن شاء الله عفتها دخلت اخذت التلفون وأتصلت على أبويه ورد عليه ها بابا شلونك .

نجم الدين ـ هـلأ بنيتي الحمدللة ماشيه على الله .

ـ خالة أميره زعلانه صدك .

ـ أي بابا زعلانه ما تفعل ترضى .

ـ ليش شُنــــوْ السبب .

ـ أمج السبب لاتفعل ارجع الها ولا تخليني عايش حياتي وضال بين نارين وانوب صايره صحبه هي وعماتج وتعرفين بعد .

ـ ماشي فهمت

ـ أي شلونكم خوما محتاجين شيء .

ـ لا بابا سلامتك ، بس ضرغام ابن عمو قيس أجه عليك كال بلغي معزوم على الغده

ـ أي أتصل وجاوبته جنت زعلان اني وابوه .

ـ وتراضيتوا .

ـ صديق العمر هذا مينزعل منه .

ـ الله يدوم صداقتكم ويدومك النا .

ـ الله يحفظج بنيتي .

سهى ـ وأنتهى الأتصال وأبتسمت بفرح وعيني على التلفون ، دخلت باوعت لصورته طلع أحلى من الصور
ومتغير عن اخر مره شفته بيها بفاتحه جدي ، أني هم بطرانه أحب واحد بعمره مصير الي هواي بعيد والله أبن صديق بابا هيج عندي حظ وبخت ويصير من نصيبي .