الحلقه الخامسه .
سهى ـ ضليت صافنه بالرساله ما أعرف شجاوب ونهى باوعتلي مستغربه شگلي .
نهى ـ خيـــࢪ شبيـــچ صفناتج تجيب التايه .
ـ لأ هيج شكوو قابل .
ـ هم راسلج بعد
ـ أي من جنت بالسياره راسلني وكلش فرحان
ـ دربالج عليه مبين خوش زلمه بس بعد يتحرك ويجي يخطبج وتكمل رجولته .
ـ گالي ما ضل شيء وأجيبج يمي .
ـ خير ، خير ، الله يسهل .
ـ الله كريم ، طلعت من يمها وخليت التلفون صامت وطفيت الاشعارات وخليته على الشحن بالصاله ورحت أساعد امي بالعشه
جنان ـ أبوجن ما أشترى الجن شيء .
،
سهى ـ مثل شُنــــوْ .
ـ أكل لفه عزمجن عـلـىٰ عشه لو ناشف ما طلع من أيده گلشي ، لو كله بخت أميره وخلفتها .
ـ لا گلشي ما أشترى ما نريد شيء ما محتاجين أنتِ ما مقصره علينا الله يحفظج النه
ـ اخ يا بنتي طلع تعبي ميسوى حرامات .
ـ ما عرفت شجاوبها ، كملنا العشه اني وياها ونهى جانت تغسل ملابس وخلصتهن وأجت وتعشينا سوا
هي غسلت المواعين وأني صبيت الجاي وكعدنا نباوع على التلفزيون متابعين مسلسل كويتي .
" جبت تلفوني ولگيتها دازه رساله وضرغام هم .
دُنيا ـ أعرف أنتِ أختها من خلال التعليقات بحسابها وأريد أحجي وياج .
ضرغام ـ شلونج گلبي .
سهى ـ بخير وأنتَ .
ـ هم بخير ، أتعشيتي أعذريني اليوم بالعياده گلشي ما ضيفتكم .
ـ لا حبيبي معذور ، عفته وجاوبتها أهلاً دُنيا أتفضلي
دُنيا ـ وأخيراً رديتي كُلش محتاجتج .
سهى ـ بشنو تردين تحجين وياي ، باوعتلي نهى وعضت شفتها معناها عوفي التلفون عفته وباوعت وياها رجعت دزت .
دُنيا ـ بعدين اراسلج زوجي أجه هسه أعذريني .
سهى ـ عـلـىٰ راحتج ، ضليت كاعده نباوع المسلسل خلص وأمي راحت الغرفتها وباوعت النا وگالت .
جنان ـ شيلن هالهوسه ونظفن الصاله وطفن الاضويه وسهى نكعي الفاصوليا خاف أخوج يجي باجر .
سهى ـ ماشي ، نهى گامت لغرفتها وين عفتي الوسخ برأسي هم اني انظف وراج ، حتى كرزات متعرفين تأكلين مثل الاوادم باعي الكشور تارسه الكاع .
نهى ـ شُڪثر تلغين لخاطر محمد ، الله يساعده عليج
ـ وين موليه نهى .
بصوت ناصي ـ أخابره ماطول عنده مجال .
ـ ليش هـو ويـــن !! .
ـ راح يطلع برا ، امشي مو وكتج هسه ، تأخرت عليه .
YOU ARE READING
سبيل الغيب
Romanceرواية أجتماعيه . # سبيل الغيب # بقلم شمس العراقية " تأريخ النشر ٢٠٢٣/١٠/٢٥
