سبيل الغيب

الحلقه 29

#سبيل الغيب

" الحلقه التاسع وعَشرون " ما قبل الاخيره .

ضرغام ـ خاله امشي ننزل جوه نتفاهم سهى اخذي أزل وروحي كسري الشر يرحم أهلج .

سهى ـ لا وين اروح خل افهمها بالاول شُنــوْ شايفتني حراميه عيب عليج هالحجي أحترمي عمرج واحجي عدل وبعدين زين تعرفن بي ضرغام يحبني مستحيل ينساني ويجي يوم يرجعني بس حقاره منجن أخذتنا وأني دخلت سمعت صوت بنتي تصرخ وما تحملت اسمعها تبجي ومحد يمها

هناء ـ لا والله وطلعلج لسان وتحجين ولج بنتي اجتني محتركه حرك من نار گلبها عليك والافنديه تكولي تحجي وتكول بنتي !! بنتج هيج تهمج وگلبج محروك ما جان تبقين يمها وتربينها شگوو وليتي وأطلكتي شگوو عفتيهم وراج وبنتي تربيليج خلفتج وأنتِ عالحاضر والمستريح تجين أطالبين بيهم والله شُنـوْ اني امهم وين الامومه بالموضوع اصلاً الأمومه تتعوذج .
أنتِ حتى ما فكرتي تسألين عنهم إتصال ما رفعتي وما حاجيتهم هسه حنيتي وصحة عرج الامومه عندج

ضرغام ـ خاله خلللللللللص گافـــــي ما اسمحلج تعبرين حدج بالكلام تضل امهم غصباً عن اليرضى والما يرضى هذا حق

هناء ـ حق وين الحق من اخذت بنتي مثل الورده وكلتلك اذا ترجع مرتك ما انطيها الك روح شوفلك غيرها أنطيتك بنتي وأنت أعزب ماكو مره بحياتك وانطيتني كلمه ما ترجعها ووافقت وكلت خطيه جهالك صغار مثل فروخ الحمام والله كل ما تجيني زياره اكول الها روحي لاتبقين اهواي يمنا جهال رجلج اعتبريهم جهالج عينج عليهم يمه خطيه واوصي واحشي واشيل واشتري ملابس وادلل وعيني عليهم وربت وتعبت وخلتهم بعيونها وتالي ما تالي حنيت ورحت رجعتها حتى سولاف ما بلغتها جبتها كبل وخليتها بوجهها صدمتها صدمه عمرها على أقل انطينه خبر ، مو سكتاوي وتصدم الكل

" وأنتِ يالغمه سمعنا كالوا فطيره وفاهيه بس مو هيج يالطايحة الحظ طلكج وذبج على اهلج وهسه رجعتي وكل كرامه ما عندج مكيفه البارحه بليل جان يمج عود مسويه انجاز رجعتيي بحضنج وخليتي بنتي تتلوع بنار گلبها . 

سهى ـ غمضت عيوني أحاول أصبر نفسي وما اردها مهما يڪون أكبر مني وأم وقلبها محترك عـلـىٰ بنتها  جرها من كدامي وكال الها

ضرغام ـ خلص خاله سهى زوجتي مثل ما سولاف زوجتي وما اسمحج لاحد يقلل من قيمتها گافي عبرتي حدودج بالكلام .

هناء ـ لا مو مثل سولاف ، سولاف غير تسواك وتسوه هايہ الواكفه ساحله نفسها وراك ، وسولاف مستحيل تبقى بحياتك وسهى موجوده مستحيل وتحلم بعد تصيرلك مره .

ضرغام ـ خاااااله

ـ خلاله تخل عينك ، وين امك هي هم الها ايد بالموضوع تسترت على السالفه .

سهى ـ دفعتني وطلعت ونزلت على الدرج وهو لحكها بقيت يم الدرج وهجمت على عمتي هيفاء وتحجي عليها .