سبيل الغيب

الحلقه 12

#سبيل_الغيب

الحلقه الثاني عشر

" مساء الخير عمري أنتوا ، باجر ماكو نشر لن رايحة لبيت أهلي 😍 وإن شاء الله السبت انشر الحلقه القادمة قراءه ممتعه واحبكم كُلش هوايه 🤍

سهى .

ـ أنصدمت ونهى كفختني عـلـىٰ رأسي رايحه الغرفه

نهى ـ وين رايحه اوكفي خل نسمع ونفهم ونعرف شُنــــوْ السبب غير رأيه من خُفت شگله .

نجم الدين ـ خابره خل يجيني لو اروحله البيت وأهجمه عـلـىٰ رأسه ورأس اهله اني گلشي ولا واحد ينطيني كلمه وبعدين يتراجع عنها وفوك هذا كله حضرته يگولي الزواج يتأجل كم شهر لما ارتب اموري وعندي مراجعين عدهم حشوات لما اخلص شغلي

نهى ـ يتأجل الزواج يا صخام الوجه .

علاء ـ بابا هدي هسه اخابره خل يجي واكعدوا وأحجوا وافهم منه گلشي بالتفاهم ليش حارك اعصابك إحتمال عنده شغل صدك ، انطي مجال

ـ يا مجال ليش أني امشي عـلـىٰ قرارته ومزاج حضرته أنطيتني موعد وبعدين تغيير ، لا الظاهر هذا انطيناه مجال هواي وكبرنا رأسه ، دتخابره خل يجي

ـ هسه أخابره وخل يجي .

نهى ـ نفضتها شبيـــچ تخشبتي .

سهى ـ بعد ما يتزوجني .

ـ تفِ من حلگج ، امشي نصعد قبل لاتجي بنت أبليس وتحس علينا والله نروح بيها ، امشي نلگي حل ..

سهى ـ صعدت قبلها وهي خليتها تجيب الغراض كعدت مصدومه ودخلت نهى شمرت الأغراض وركضت جابتلي كلاص ماي وشربتني

نهى ـ سهى باوعيني حَـبيبتي لا تخافين ما يعوفج والله إحتمال صُدك عنده مشاڪل هو وإهله .

ـ لا يڪذب هايہ حجه منه ، مثل ما گلتي بعد ما يثق يعوفني لوحدي أعرف فكر هواي ورخصت بنظره وما ضلتله ثقه بيه حتى لو يَحبني لهذا قرر نُسكن ويه أهله هذا قراره هو متأكده ، أهله ما دخلهم بي .

ـ يعني صرتي تعرفين هو بشُنــــوْ يفكر مو .

ـ أي كلامج خلاني أصحى عـلـىٰ أشياء غافله عنها

ـ ميخالف الله كريم ، أتصلي وأفهمي منه بالأول .

ـ ما أتصل ولا أعاتبه ولأ اتعب نفسي وياه خلي عـلـىٰ قرارته بحقي ، خلاني أتأمل أعيش بيت لوحدي بس أني وياه ورتبته ونظفته وعطرته والقهر سلمته نفسي ما رفضتله طلب وهو شسوى  صعدني للقمر ونزلني للكاع ، كسرني بجيت ونهى تهدي بيه .

ـ گولي يالله تهون خيتي خلص أهدئي .

ـ حابه أبقى لوحدي فدوة وأذا اجه وسأل عني كوليله نايمه ما أريد أشوفه ولأ حتى أسمع صوته .

نهى ـ تمام عـلـىٰ راحتج ، نامي وأرتاحي ، غطيتها وخليت أغراضها عـلـىٰ صفحه خرب واهسنا بگلشي
غيرت ملابسي ونزلت وبابا يفتر بالاستقبال وعصبي نار وعلاء واكف بالطرمه ينتظره .