سبيل الغيب

الحلقه 15

#سبيل_الغيب

الحلقه الخامسه عشر

سهى

ـ عافني وراح يڪول إلهم شگد عيب يربي فشله اريد أروح وراه مستحيه ، تالي عفت گلشي وصعدت الغرفتي وأنصدمت بصدر احمد شبيك متشوف .

أحمد ـ أني لو أنتِ باعي طريقج وشصايرلج عصبيه

سهى ـ ما بيه شيء ، عفته ودخلت الغرفه بقيت بيها شوي وأندك الباب منو

بيان ـ أمي تريدج بغرفتها .

سهى ـ گال الهم سوده بوجهج سهى ، لبست شالي ودخل ضرغام تقرب عليه وأبتسم أشسويت . !!

ضرغام ـ حجيت الهم والكل صار عنده علم من حقي زوجتي واجبي ادافع عنج تردين أسكت ويأكلن عشاج ،امشي أمي تريدج وما عليج طنشي وشنو يعني زوجتي وأخذتج بالحلال .

ـ سهل الكلام عندك بس ما تدري بالنوايا

ـ اضربها عرض الحايط يلة روحي واذا سألتج ليش ما حجيتي گولي ضرغام ما قبل مو تكولين أني ضميت عنكم وضرغام ما جان عنده علم أموتج سهى .

ـ ليش

ـ ما عليج سوي اللي گتلج عليه وبس .

ـ هسه ليش حجيت الهم أصير بكد النمله والله عيب

رد بعصبية ـ لأ تخبليــــــــني ويــــــــاج بس كوليلي شـــــــــلون ترديني أسكت وأني أشــــــــوف زوجتي مسوياتها خدامـــــــــه ويحركن بيج عـلـىٰ كيفهن وكُــــل هذا وتگولين ليش حجيت يابه تطيري .

ـ حبيبي والله أني مو عن شيء ، خلص لا تعصب .

ـ نزلي على أمي .

ـ مثل ما تريد ، نزلت رحت على غرفة عمتي ها عمه دزيتي عليه .

هيفاء ـ تعالي كعدي تعالي أمي شبيج خايفه .

سهى ـ كعدت ونزلت رأسي مستحيه .

ـ ليش مستحيه هذا حفيدي والمفروض عندي علم بحملج ليش ما حجيتي وخليتي فوزيه تستغلج وتمشيج على كيفها على الأقل لو أدري بيج حامل جان ما خليت ضرغام يحجي للكل عن حملج !!

ـ شلون يعني .

ـ تستتغبين نفسج أمي .

ـ لأ والله عمه بس ما فهمتج .

ـ مبين أنتِ طيبه وَ؏ نياتج والشفتيهن يأخذنج الشط ويرجعنج عطشانه !!
" سهى ماما أنتِ هم حسبة بناتي وهسه الكل عرفوا بحملج وأكيد عرفوا مأخذج قبل الزواج هايہ منتهين منها وهذه غلطتكم مالنا شغل بيها .
"ادخلج بالمفيد راح تتعبين وياهن هواي وتسمعين كلام يغثج وأني وياج مو ضدج مهما يكون زوجة ابني واشوفه مرتاح وياج بعد شريد أكثر من هيج لهذا حاولي تبنيين شخصيتج اريدج قويه لاتخلين أحد يستغل طيبه گلبج .

ـ إن شاء الله عمه .

ـ الله يكومج بالسلامه ، إنتبهي على نفسج .