سبيل الغيب

الحلقه 30 (الأخيـࢪه)

#سبيل_الغيب

" الحلقه 30 (الحلقه الأخيره )

(تنويه مهم 🔔)

" متابعيني القراء قبل القراءة عـلـىٰ الاغلب والاكيد وأكثركم راح يطلع عدكم نقص بالحلقه لن مطوله بشكل عباره ٨٠٠٠ كلمه .
لهذا نهايه البارت تكون تحيات مني الكم اذا ما طلعت اذن اكو نقص الخلل من تطبيق الواتباد والرواية تحتاج تحديث حذفوها ونزولها مرة ثانيه وقراءة ممتعه وتفاعلوا وشوفوني كلامكم الحلو بما أنه النهايه .

سهى ـ بقيت بصدمه رجعت باوعت عليه الأفندي ساكت وما يشارك معقوله يسويها أنوب لا مستحيل رجع أياد گال ..

أياد ـ مستحــــيل هالشيء يصــير وسهى ما تتطلق أنت ما رجعتها أنوب ترجع أطلقها شُنــــوْ الفاره والبزون ، والبنت تعذبت هواي وبالأخص فراقها عن أطفالها وأهلها لحد هذا اليوم ما سمعنا منهم كلمه وحده ولا وصلوا ولا تهجموا ولا قللوا أحترام عمي هيج ناس تستاهل واحد يناسها ويخليهم عـلـىٰ الرأس .

محمد ـ أي والله خوما بيت خالتي طلعوها من ماعونها ، عمي بنتكم وحقكم والله يعينكم بس مو هيج والله مو هيج ، أكو شيء أسمه تفاهم والرجال يكعد ويه مرته ويتفاهمون بينهم ويحلون اساس المشكله ويتوصلون لـ الحل نهائي يرضي الطرفين

هيفاء ـ هاا يمه شو ساگت .

ضرغام ـ بعدين نحجي يمه .

هيفاء ـ خوما أطلگها أنوب والله أغضب عليك والله

ضرغام ـ تصبحون عـلـىٰ خيـــࢪ .

سهى ـ سهى كام وركضت الغرفه ، نمت بصف الجهال وسويت روحي نايمه غمضت عيوني وأنفاسي عاليه لن ركضت أخذت نفس وأحاول أهدئ .

" أنفتح الباب وحسيت بوجوده وصل لعدنا وصوت الجربايه صعد شُنــــوْ ينام يمنا عزاا لا امشي أطلع شلون هسه أكوم أطرده ، بقيت مغمضه عيوني وسمعت صوت البوس يبوس بيهم لاتوصلني أبداً
ضليت هادئه لما حسيت الباب أنرد ، فتحت عين وحده ماكو رايح ، كمت فتحت الباب وهو توه رد الباب مال بيته گبالي كبل سديته وقفلته شافني خرب شافني عرفني كاعده هسه شيگول !!

" رجعت نمت وصلني اشعار ، جريت التلفون وفتحته هو داز لايك ما جاوبته

ضرغام ـ ليث خوما أنتظرني هواي .

سهى ـ ما جاوبته .

ـ مو احجي وياج متشوفين الرسائل عميه أجيبلج نظرات شُنــــوْ هالطبع الوسخ العندج .

ـ هم ما جاوبته .

ـ سهى لا تشلعين گلبي وياج .

ـ ما جاوبته قفلت تلفوني ونمت ما أعرف ليش أرتاحيت ، الصبح اندك الباب والجهال بعدهم نايمين كمت وأني ميته نعس فتحته هو مغير ملابسه يروح الدوام ، هاا .