سبيل الغيب

الحلقه 3

#رواية سبيل-الغيب

الحلقه الثالثه .

نهى ـ اريد أستوعب الرساله ما أكدر أقرأ وعيوني غوشت بهل السهوله هشام .

هشام ـ أسف يا بنت الناس ما أكدر أكمل وياج عائلتي اهم ومليت من المشاكل شوفي حياتج .

نهى ـ أشوف حياتي لوحدي من دونك شلون ياربي .
شمرت التلفون بدون ما اجاوبه رجعت انوب أقرا ودزيتله أتصل أسمعها منك صوت منو يكول أنتَ دازها الرساله .

ـ والله اني .

ـ تتصل لو اني اتصل .

ـ لحظه اطلع من البيت .

ـ بسرعه .

ـ أنطيني مجال الكي حجه وأطلع

ـ هيج مسيطره عليك لو نهى جان ضليت تنگ على رأسي .

ـ مو سالفة مسيطره بس تعبت من المشاكل وتخربطت ما اريد ينعاد المشهد كدام الجهال افهميني نهى .

ـ ليش شبيها .

ـ من كثر ما صيحت وبجت وكعت وأخذتها المُستشفى .

ـ حياله خوما مثلي .

ـ وتالي وياج يا عيني .

ـ أتصل مشتاقتلك لاتروح وتعوفيني مو وعدتني تبقى وياي وين وعودك وكلامك الحلو العيشتني بي

ـ ما اعوفج بس انطيني وقت ارتب اموري وارجعلج

ـ مخليني عـلـىٰ الرف مو

ـ ميفيد وياج الحجي .

ـ تعال وين رايح اريد أحجي وياك أتصال .

ـ أني أخابرج لا تتصلين دربالج مو تتصلين أموتج .

ـ ماشي وعد ما أتصل وأسمع كلامك بس متعوفني

ـ ماشي عيني دربالج عـلـىٰ نفسج .

ـ أوففـہ هشام اوفف ، انتهى الڪلام بينا وضليت أقرأ الرسائل وابجي ودخلت سهى اجتني ركض
عافني ورجع ألها بكل سهولة يكولي ما اكدر شنو ما تكدر انت مو رجال وين حبك اليه .

سهى ـ مو حجيت وگتلج مصيره يرجع لزوجته وأم بيته وام جهاله هسه أنتِ شناقصج يا عيني ضاله بالدار تحبين متزوج شلج بي وبحبه .

ـ ما تفهميني لن بعدج متحبين وعايشه علاقة حُب  علمود تحسين بنار گلبي .

ـ سگتت ما أعرف شحجي وياها ، الله يهديج

ـ عوفيني بحالي رجاءً .

ـ ياريت تصحين عـلـىٰ زمانج ، حلي مشكلتج بين ما أشوف أمي وسرى تريد تروح للخياطة وتمر تسوك

ـ أي همزين علمود احجي أتصال امي تضل بس ترعد

ـ خوش لاكيتها عـلـىٰ حل شعرج ,انوب متزوج يالقهر