سبيل الغيب

الحلقه 18

#سبيل الغيب

سهى

ـ أتصلت عليها متجاوب ودخل ضرغام بيده التلفون

ضرغام ـ متجاوبج مو !!

ـ اي

ـ لن كملت الطبخه احمد أفندي رايح محاجي ابوج يريد نهى !!

ـ مستحيل يمعود ما ناقصين مشاڪل وهو مو متزوج شگوو يتزوج انوب .

ـ والله سألي أختج مو تعرفه متزوج شڪوو على علاقه وياه !

ـ يا علاقه تحجي عنها ترى اخوك هو لازك الها ويريدها من يوم عرسنا .

ـ تقنعيني !! ما أصدك ما معقوله هيج گبل لا كلام لا حب لا زفت بعينه وعينها .

ّ ـ وبابا شگال .

َ ـ شيكول أبوج متفاجئ يكول اخوك مو متزوج شيسوي يتزوج انوب ، كتله أشوفه واردلك خبر .

ـ هسه شتسوي .

ّ ـ شسوي يعني ، شعليه هسه اطك السالفه بالبيت ويوصلنا الكلام على المستريح لا بيها لا عليها
گومي انام هي تصفى .

ـ متسوي شيء !! طيب احجي ويه أخوك .

ـ شسوي يمعوده ، اخويه ما يعرف قابل صغير .

ـ اجه تمدد بس صافن نمت بصفه وأجانا صوت عمي

قيس ـ ضرغام صركاعه انزل اريد افهم شجاي يصير

ضرغام ـ مو گتلج أستلمي ، ابقي بالغرفه لا تنزلين

سهى ـ نزل وضليت كاعده بس صوتهم صــاࢪ عالي طلعت وكفت يم الدرج وأسمع الكلام

قيس - شُنــــوْ شعليك هذا الزواج ما يتم فاهم عليه لو لا ، اني زواجك لما أمك ما اوافق عليه لو تضرب رأسك بأربع حياطين .

ضرغام ـ أحمد أبنك مثل ما أني إبنك واجبك تحجي وياه وتنصحه شگوو جايين عليه أني شكوو بي وبزواجه وهو عاد هواي يسمع مني ويأخذ بكلامي

ـ لا أنت تمنع هذا الزواج لن أخت مرتك هي لازكلته وَ؏ علاقه هي وياه ، يعني عاجبك بنت عمك تتطلك وينهجم بيتها وتتدخل ضره عليها عاجبك .

ـ لا طبعًا ما يعجبني ، بس ما دخلني حتى لو كانت أخت مرتي مو معناها توكع برؤوسنا هما عدهم عقول وأعرف بنفسهم ، گافي كل سالفه تصير تذبونها ورى مرتي .

ـ لن مرتك هي السبب بهل المشاكل كلها لما هي تدخل حياتنا أحمد ما يفكر يتزوج أختها بس واضح مخططات ودارسات الوضع كلش زين ومثل وضحلي داخلات عـلـىٰ طمع !!

ـ يابه عيب هالحجي .

ـ شو ما عرفن العيب من يسون علاقات حب ويتمعشكن نجم الدين ما عرف يربي بناته عدل صلافه وقله مستحى عينك عينك يدخلن بعينك والله أخر وگت نسوان حظهن يكعد واهلهن يوافقون على زواجهن وَ؏ علاقاتهن تهييي بهيييي على هالتربيه لا ربحنا .