بسْمِ الله الرَحمٰنِ الرَحّيِم
#سَمرة
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
"يعلم الله أنني أقاوم شعوراً أقوى مني 🫀."
~~~~~~~~~~~~~~~~~~~~~~~~~~
صعدت واني احچي بصوت عالي : موووووووواااافقةةةة
محمد : صوتچ لا يعلى لا اگص لسانچ
صعدت لگيت لين گبالي گلتلي : شكو ؟؟؟؟؟
دفعتها عن طريقي ودخلت للغرفة قفلتها واني اتنفس سريع من العصبية محتاره الي سويته صح لو غلط واكيد هسه أمير حيكرهني على الي سويته بي شلون اتزوج واعوفه بقيت افكر ما نمت لحد صلاة الفجر صليت ودعيت الله يقدملي الي بي الخير لان حرفياً بعد ماعندي طاقة احارب ايي أحد سلمت كلشي الرب العالميين
گعدت ب2 الضهر نزلت جوا ميتة جوع أكلت بالمطبخ جبت ماي واجيت لاگتني ماما الابتسامة شاگة حلگها گالت : حضري روحچ ترا باچر يجن النسوان يشوفنچ
باوعتلهه بطرف عين ومشيت ببرود ما اهتميت الكلامها العصر اجتي رتاج
رتاج : لين گالت لبنين وبنين گلتليي ( بنين اخت رتاج صديقة لين )
سَمرة : شسوي ؟
رتاج : ان شاء الله بيها الخير خلص شتسوين بعد وبعدين ما غلطتي بشي تراا تحملتي هواي بس الله مكاتبلكم نصيب انتِ وامير كملي حياتج
سَمرة : ضميري ما مرتاحح خنته حأتزوج واعوفه
رتاج : لا تحچيين هيچ ترا أذا انتِ ما تزوجتي هو الي حيزوج بنهاية انتم مستحيل تجتمعون ويومين وينسى مابيدج شي حتى إذا ما وافقتي عمو مخلد حيجيرچ وبعدين هو وافق قبل متوافقين انتِ على الخطبة لتلومين نفسچ ابداً بس ادعي يطلعلچ واحد بي خير
أخذت نفس ومارديت عليها ضلينه نسولف بعيداً عن هالموضوع وتحچيلي مشاكل عدهم قبل المغرب راحت گعدت ويا نفسي بچيت حسيت بكمية الانانية الي سويتها وتخيلت حياتي بدون أمير أحس مالي وجود من دونه مستحيل أگدر شلون اعيش ويا شخص ثاني واني بالي يم غيره بچيت على الوضع والحيرة الي اني بيها بقيت افكر وابچي لل 9 بالييل اجه جدوو اجاني الغرفه گمت أساعده يدخل گال : قفلي الباب وياچ
قفلته وگعدت يمه حچه : والله يا بابا حاولت ويا ابوچ بس شسوي شبيدي علييچ
بس حچه هيچ أحس الكتمة الي بصدري كلها طلعتها عليه من گد مبچيت
گدامه أبچي سكته ومدنگه راسي
YOU ARE READING
سَمرة
Romanceفتاة قوية ولكن القدر اقوى منها ؟ غدرت من اقرب الناس تعذبت وتعنفت وظلمت من اشباه الرجال كانت تحب لكن طعنت فدخل لحياتها رجل آخر رغما عنها !! هل ستقع في الحب مرة اخرى ؟؟! ام للقدر رٱي آخر ؟! قصة حقيقية 100% بقلمي : زينب الاوسي
