بسّمِ اللهِ الرَحْمٰنِ الرَحْيِم
#سَمرة
بقلمي : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
علم عِنـادك لا يمسُ عنـادي .💜
~~~~~~~~~~~~~~~~~~~
عزت : كورونا
بچيت أجه حضني وحچه : والله وضعه زين كلها صار بيها كورونا ورجعوا مثل قبل وأحسن
بنفس اللحظة بيبي خابرت عزت گالتله : جيب سَمرة وتعالوا
قبل ما عزت يحجي شي ركضت لبست صايتي وشمرت شالي على راسي وطلعنه أول موصلنه لگينه مخلد ومحمد واگفين گبال الباب يردون يرحون عزت ضلل السيارة وانتظر يعبرون ألا نزلنه أول مدخلت لاگتني عبير وجهة احمر من البچي لزمتني قبل ما ادخل كالتلي : أبد لتبچين گدامه
مسحت دموعي ودخلت للغرفة لگيتهم مخليله أوكسجين ويسحب الأوكسجين بالگوه متحملت ردت اطلع عزت چان وراي رجعني رحت يمه واني أديني ترجف أريد ألزم أيده بس على گد ما أيدي چانت ترجف وخايفة ماگدر ألزم أيده أول مشافني فتح عيونه خفيف كُلش ودز على عبير راح عزت صاح عبير
ام مخلد : أصيحلك مخلد
أشرلها براسه بمعنى "لا" عزت وخر الأوكسجين عنه وانطى مي أخذ نفس وگال العزت : سَمرة
واشرله على عيونه عزت : بعيوني والله
يحجي ولازم أيد عبير واني حاضنه رجلينه تنفس بقوة وبچه عزت رجع الأوكسجين گاله : أرتاح هسه وبعدين احچي وياهن
أشرلنه نطلع من الغرفة أجوا مخلد ومحمد وزينب ولين كلهم أني رجعت للبيت وعزت بقى يمهم وكل شوي يصور ويدزلي جدو رجع فتح عيونه وأكل وشرب بس ميگدر يحچي كلمتين ألا ويتنفس بالأوكسجين بقى عزت ويا للصبح بال5 الفجر لا اني نايمة ولا عزت نايم الصبح دزلي ڤيديو يتريگ ويا جدو ويتشاقه ويا وجدو يضحك اطمأنيت ألا أخذت عيني على النوم گعدني عزت الظهر گال : جدج محد يمه خل اخذچ تشوفينه
گمت بسرعة بدلت ورحنه ألهم أول مشافني أبتسامته ملت وجهة شگد ارتاح گلبي من شفته رجعنه واني كلش مطمئنة ب3 بالليل أتصلت عبير بس على گد مچنه تعبانين ومنايمين محسينه ألا أن أجه أبو عزت يضرب الباب حيل عزت گمز فتحله الباب گال : خلي سَمرة تروح لجدها بالمستشفى تعبان
گمزت بسرعة من مكاني عزت أجه يمي گال : على كيفچ صبري
حضني وأخذ تلفونه اتصل بأبراهيم رجل عبير ماعرف شحچه ويا گالي :بدلي
ركضت لبست صايتي واني أشهگ وابچي رحنه للمستشفى چان ابراهيم منتظرنه جوه أخذنه لگيت امي گبالي و محمد دخلت لغرفة جدي حَرفياً چان فاقد نهائياً مو يمنه بقينه بالغرفة بس اني وبيبي وعبير وعزت عبير گاعده يم راسه واني گاعده يم رجلينه ونبچي وهو كل شوي يفتح عينه ويغمضها حضنت رجلينه وحچيت : جدوو أنتَ تدري أذا تعوفني أضيع من دونك منو ألي غيرك
YOU ARE READING
سَمرة
Romanceفتاة قوية ولكن القدر اقوى منها ؟ غدرت من اقرب الناس تعذبت وتعنفت وظلمت من اشباه الرجال كانت تحب لكن طعنت فدخل لحياتها رجل آخر رغما عنها !! هل ستقع في الحب مرة اخرى ؟؟! ام للقدر رٱي آخر ؟! قصة حقيقية 100% بقلمي : زينب الاوسي
