بسْمِ الله الرَحمٰنِ الرَحْيِم
#سَمرة
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
"من باب الواقعية، لا حياة تخلو من الهموم فابتسم."
- باولو كويلو ।📔
~~~~~~~~~~~~~~~~~
تفاجأت من تصرفه أريد اسحب ايدي لازمها بقوه ويباوع بنظرة وصخة ويبتسم واني ابتسمله بتوتر ومجاملة سحبت ايدي منه بلگوه وهو بس يباوع كلشش ماحبيت حركته تعشينه ومرفعت عيني وباوعتله أبداً ضلوا يسولفون كملوا عشا وهو عود تعبان راح يرتاح وعزت هم صعد للغرفة صعدت ورا بدلت لبست تراك بيت رحت أريد أنام عزت گاعد مقابيلي على القنفة ويلعب بالتلفون أني تمددت وتغطيت باوعتله گتله
سَمرة : عادي اسأل سؤال ؟؟
عزت : ممم
سَمرة : هذا خالد ابن خالك شنو وضعه؟؟
عاف التلفون وباوعلي گال : شلون يعني ؟
سَمرة : يعني أخلاقه شنو ؟ تعرفه عن قرب ؟؟
عزت : ولد حباب ماشايف منه شي شنو شفتي منه شي ؟
سَمرة : لا بس حَبيت اسأل
ضل يباوع بوجهي شوي ورجع على التلفون گمت طفيت الضوه ورجعت على الچرباية
عزت : بدت رحمة الله
ضحكت بگلبي انطيته ظهري ونمت دخلت بمود النومة وتعبانه من فرة السوگ اجه تمدد يمي حچه ، عزت : اگلج سَمرة؟
سَمرة : مم
عزت : منو سماچ سَمرة ؟
سَمرة : جدي
عزت : بس أنتِ مو سَمرة
ضحكت عليه : يعني اذا أسمي سَمرة ضروري أكون سَمرة
عزت : لا مو ضروري
ضربني بالمخده : يلا نخمدي
رجع حچه : أگلج
سَمرة : ها
عزت : وسما شبيچ تحچين بطرف خشمج
سَمرة : انعس
عزت : خنصير اصدقاء
سَمرة : لا
عزت : امداج
وگام طلع برا ماعرف شيسوي يمكن يكمل شغله گعدت الصبح من وقت قبل الكُل لگيت عزت هستوه گاعد يريد يروح لدوام
سَمرة بنشاط : صباح الخير
عزت : صباح النور شعجب گاعده
سَمرة : مدري يمكن لان نايمة البارحة من وقت
YOU ARE READING
سَمرة
Romanceفتاة قوية ولكن القدر اقوى منها ؟ غدرت من اقرب الناس تعذبت وتعنفت وظلمت من اشباه الرجال كانت تحب لكن طعنت فدخل لحياتها رجل آخر رغما عنها !! هل ستقع في الحب مرة اخرى ؟؟! ام للقدر رٱي آخر ؟! قصة حقيقية 100% بقلمي : زينب الاوسي
