بسّمِ الله الرَحْمٰنِ الرَحِيِم
#سَمرة
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
لقد خُذلـت
من الأصدقاء
من العائلة
من شخصي المُفضل
من الجميع💛
~~~~~~~~~~~~~~~~~~~~
عزت : ما اگدر انساها
جمرة صارت على گلبي من سمعت كلامه دموعي توگع ممسيطرة عليهن حچيت وصوتي يرجف : تتواصل وياها ؟؟
بقى ساكت رجعت حچيت : عزت تتواصل وياها مو ؟؟
هزلي راسه بمعنى "أي"
سَمرة : تتواصل وياها واني موجودة ؟ أني ما اگُلك لتحبها ولتفكر بيها ولا اجبرك تحبني بسس ماگدر اخليك تتواصل وياها واني يمك عزت اني گلبي يحترگ عليك عوفها وخلينه نرجع مثل قبل الله يخليك
هزلي راسه بمعنى "لا" گال : سَمرة فهميني ماگدر افكر عقلي مشوش
سَمرة : ما تحبني ؟؟
عزت : احبچ
هزيت راسي بمعنى "لا" وحچيت : لو تحبني متتصرف هيچ بس انتَ بعدك تحبها الها واني چنت فرض عليك أما هيَّ اختيارك من الأول
تأفأف گتله : ليش خليتني ارجع اذا بالك بعده يمها ؟ ليش جبتني وشتلتني يمك ؟ ليش بس تشلع گلبي ؟وليش تحبها الها ومفضلها عليه ؟؟
عزت : اسكتي
گمت من يمه أخذت مخدتي وطلعت من الغرفة رحت الغرفة شهد گتلها :عادي انام يمچ
ما سألت شي ولا صارت فضولية مثل كل مرة گالت : اكيد دخلي
طفيت الگلوب ورحت نمت يمها ضليت ابچي للصبح وهيَّ بس تباوعلي متگدر تسألني شبيچ مخليه أيدي على حلگي حتى ليطلع صوتي واني ابچي بس صوت شهگاتي فاضحني ضليت للصبح منايمة سمعت صوت گلت :اكيد عزت گعد حتى يروح للدوام
رحت للغرفة لگيته واگف گبال المرايا باوعلي گال : صباح الخير
مجاوبت بقيت واگفه وأباوعله أجه يمي وحچه بهدوء : ليش عيونچ حمر؟
تقرب باس عيني حضنته گتله : عزت تعبانة منك
عزت : شسوي حتى أخفف عنچ ؟؟
سَمرة : شوف حل لهالوضع ماگدر أتحمل أكثر روحي جاي تطلع
عزت : الله كريم
وطلع حتى ما أهتم خابرت بيبي گتلها : ماريد ابقى هنا
ام مخلد : تعاليي يمي كم يوم ريحي بالچ
YOU ARE READING
سَمرة
Romanceفتاة قوية ولكن القدر اقوى منها ؟ غدرت من اقرب الناس تعذبت وتعنفت وظلمت من اشباه الرجال كانت تحب لكن طعنت فدخل لحياتها رجل آخر رغما عنها !! هل ستقع في الحب مرة اخرى ؟؟! ام للقدر رٱي آخر ؟! قصة حقيقية 100% بقلمي : زينب الاوسي
