بسّمِ اللهِ الرَحْمٰنِ الرَحِيِم
#سَمرة
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
" الندم كان على معرفتك ، لا على خسارتك 🖤.
~~~~~~~~~~~~~~~~~~~~
ويبچي : "سَمرة بنيتي"
الكلمة الي منتظرة أسمعها من 5 سنين ضحكت ومسحت دموعي گتله :بنيتك؟؟
ضل يهز براسه ويبچي وحچه : لتعاتبين بويه لتعاتبين ما اگدر
سَمرة : شلون انطاك گلبگ هيچ تسوي بيه
كُل الي بالغرفة گاموا يبچون وهو يبچي ويسحب هوى امي گالت : كافي يمه ابوچ تعبان
بس سمعت صوتها صرت أشهگ وابچي : واني هم تعبانة والله العظيم تعبانة ليش متصدگوني
ابويه لازم أيدي بأثنين أدينه ومخليها على گلبه ويبچي : بويه لا اني ولا الزمن رحمناچ الله لا يسامحني على السويته بيچ
حچاها واختنگ وخرت ايدي عنه بسرعه أجه محمد خلاله الأوكسجين ضل يتنفس سريع وصدره يصعد وينزل طلعت بسرعه بيبي أجت وراي
سَمرة : راح اروح انتِ خليچ هنا واني طالعه
محمد اجه يركض وراي گال : خل اوگفلچ سيارة
بقيت منتظرته بالبيت يم باب الشارع أجتي بنية صغيرة لزمت طرف الصاية مالتي وتباوعلي مستغربة ردت احچي وياها أسمع صوت السيارة تزمر وخرت أيدها عن صايتي وطلعت فتحت باب السيارة اريد اصعد محمد واگف يم باب البيت صاح : سَمرة
باوعتله رجع گال : صارعندي بنية
يحچي وهو يبتسم وعيونه مدمعة ما اهتميت صعدت بالسيارة ورجعت للبيت ابچي أول مدخلت لزمت ملازمي وضليت أقرا أقرا ودموعي عشرة عشرة
ثاني يوم واني رايحة للأمتحان لگيت عزت گبالي غيرت طريقي اجه وراي گال : سَمرة تعالي نحچي
سَمرة : عزت الله يخليك لتطلع بوجهي مرة ثانية وخرر
دفعته وكملت ضل يصيح وراي : روحي امتحني بس تلگيني گبال الجامعة بس تطلعين من الامتحان
حاولت ما اتوتر رحت للجامعة دخلت القاعة الامتحان والدمعة بطرف عيني اجت الاسئلة كُلشي ما عرفت منها كُله قاريته بس ماعرف اجاوب صرت اكتب أي شي يخطر بالي ودموعي مغرگة الأوراق اجه يمي الدكتور : بابا لتتوترين امتحني على راحتچ
أكتب وأيدي ترجف وأعرف نفسي ما راح انجح سلمته ورقة الامتحان وطلعت لگيت عزت واگف گبال باب الجامعة أجه يمي گال : امشي
YOU ARE READING
سَمرة
Romanceفتاة قوية ولكن القدر اقوى منها ؟ غدرت من اقرب الناس تعذبت وتعنفت وظلمت من اشباه الرجال كانت تحب لكن طعنت فدخل لحياتها رجل آخر رغما عنها !! هل ستقع في الحب مرة اخرى ؟؟! ام للقدر رٱي آخر ؟! قصة حقيقية 100% بقلمي : زينب الاوسي
