بسْمِ الله الرَحمٰنِ الرَحْيِم
#سَمرة
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
"أنا خائفٌ من أن أفقد شيئًا أحبه لدرجة
أنني أرفض أن أحب أي شيء."
- جوناثن سافران ✏️
~~~~~~~~~~~~~~~~~
عفتهن هو اخذهن رحت قبل ما يجي طفيت الاضوية كلهن نمت وگعدت بسرعة لگيت عزت معصب بدون ما يصبح عليه بسرعه لزمني من ايدي وعاط بصوت عالي : شعندچ ويا خالد ؟؟؟؟؟؟
انصدمت شعرفه ومنو گاله باوعتله وگتله : شنوو ما فهمت ؟؟
عزت : شعندچ ويا خالد ؟؟ شنو بينج وبينه ؟؟
ضليت ارجف ماعرف شنو اجاوب اباوع لعزت يباوعلي بغضب وعصبية من الخوفة الي صارت بيه ما لگيت نفسي الا وسولفتله كلشي ..
ماتحس الا عزت طفر من مكانه ونزل لجوة واني اركض ورا اريد الزمة حتى ما تصير مشاكل ماكو ما ينطيني مجال بسرعة وصل للصالة ولزم خالد من تشيرته وعاط بصوت عالي : شنو الي سويته لمرتي لكككك ؟؟
خالد : وخررر عزت شبيككككك شكوووو
عزت : شووف لككككك هسه تحچيلي ليش چنت تتحرش بمرتييييي ؟؟؟ احچيييييي
خالد : يابه هي مرتكك الي انطتني مجال
شهگت عزا شگد چذاب عزت صفن عليه وباوعلي وبدون سابق انذار اخذني من ايدي وسحلني لبيت اهلي وراح ارجع لنفس المذلة واسوء ماحسيت الا على صوت عزت من گال : اگعدي اذن الفجر
فزيت فززه من الهبطة الا شويه ويوگف گلبي هو بسرعة گال : أسم الله شبيچ
خليت راسي بين أديني أريد أستوعب الي صار حلم مو حقيقة عزت يوخر اديني عن راسي وگال : شبيچ ؟؟؟
سَمرة : ماكو شي
عزت : گومي توضي واذكري الله
گمت توضيت واجيت لگيته ماكو فرشت سجادتي وصليت دعيت رب العالمين يخلصني من هالوضع بأسرع وقت أحس صار مثل الحمل على ظهري نفسيتي تعبت صرت أكره البيت بسبب خالد كملت صلاة الفجر سجدت سجدة الشكر لان الكابوس مو حقيقة كملت وگمت نزعت الچادر وأخذت السجادة أضمها أجه عزت وبيده كوب گهوة كالعادة گال بصوت هادئ اني اسمي هدوء الفجر ، عزت : تقبل الله
YOU ARE READING
سَمرة
Romanceفتاة قوية ولكن القدر اقوى منها ؟ غدرت من اقرب الناس تعذبت وتعنفت وظلمت من اشباه الرجال كانت تحب لكن طعنت فدخل لحياتها رجل آخر رغما عنها !! هل ستقع في الحب مرة اخرى ؟؟! ام للقدر رٱي آخر ؟! قصة حقيقية 100% بقلمي : زينب الاوسي
