بسْمِ الله الرَحمٰنِ الرَحْيِم
#سَمرة
بقلم : زينب الاوسي
لا تنسون التصويت + التعليق بين المشاهد + متابعة لحسابي 🤍🤍
"لن تهزم الشخص الذي ضمّد جراحه بنفسه."
- عبدالوهاب الرفاعي ।📓
~~~~~~~~~~~~~~~~~~
عزت : ما جاي تتقبليني ؟؟
سَمرة : ما جاي اتقبل نفسي ولا اتقبل حياتي الجديدة
باوعلي ونفه كلامي وگال ، عزت : ما ترديني لدرجة ما جاي تتقبلين كلشي يتعلق بيه وبالنهاية هذا شي يخصچ أني ماگدر افرض شي عليچ بس الي اگدرعليه جاي اسوي وعن بيت جدج ماكو روحه ماترحين تبقين هنا وإني مثل ما گتلج ماكو شي جبر واذا شوفتي تخنگچ فراح احاول ماخليچ تشوفيني هواي
أخذ تلفونه وگال : أخذي راحتچ
طلع وطبگ باب الغرفة بقوة غمضت عيوني وخليت راسي بين أديني تندمت على الحچيته تأفأفت وبچيت شسويت شلون احچي ويا بهالطريقة مسحت دموعي ونزلت جوا لگيت أهله جاي يتعشون وهو گاعد بعيد عنهم ويلعب بالتلفون ويهز برجله ، سَمرة : مساء الخير
باوع عليه ورجع باوع على التلفون ما رد أهله گالوا : مساء النور
رحت گعدت على القنفة ، أبو عزت : يلا بابا تعالي تعشي
سَمرة : والله عمو مو جوعانة ألف عافية أنتم تعشوا أني من اجوع اكل
علي : متعاركين هيَّ وعزت
ابو عزت : صدگ
عزت عدل گعدته وخله التلفون بصفة گتله : لا عمو ماكو هيج حچي
عزت گال لعلي : شو باوعلي
علي باوعله ، عزت : أفگس عيونك إذا تضل تمسلت من يمك
علي ضل يضحك گال : والله ثنينهم ميردون عشا مبينين متعاركين
عزت گام وجهة فار من العصبية وحچه : لو ما النعمة گدامك چا خيطت حلگك
عافنه وطلع الكل سكت لمن شافوا معصب باوعت لعلي وگتله : لتضوج هو معصب
علي : لا عادي اصلاً مازعل منه
شهد : تعالي تعشي
سَمرة : مو جوعانة بقوا يتعشون
أني لزمت التلفون وراسلت رتاج كتبت :" كلش مقهورة "
كتبت : "منين ؟ "
سَمرة : "حچيت ويا عزت وتندمت "
رتاج :" بس لا مسلتي عن أمير "
YOU ARE READING
سَمرة
Romanceفتاة قوية ولكن القدر اقوى منها ؟ غدرت من اقرب الناس تعذبت وتعنفت وظلمت من اشباه الرجال كانت تحب لكن طعنت فدخل لحياتها رجل آخر رغما عنها !! هل ستقع في الحب مرة اخرى ؟؟! ام للقدر رٱي آخر ؟! قصة حقيقية 100% بقلمي : زينب الاوسي
